De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícase a Inversiones Mapama, S.L., con CIF B36819738, requirimento da Dirección de Portos de Galicia do 6 de xuño de 2017 para proceder ao aboamento de custos ocasionados pola retirada do porto de Combarro e o desmantelamento da embarcación de nome Antigua II, con matrícula 7ª-BA-2-517-92, por non ser posible a notificación no domicilio.
Este anuncio se publicará no Boletín Oficial del Estado e no Diario Oficial de Galicia, ben que a eficacia do acto notificado quedará supeditada á súa publicación no BOE.
A presente reclamación emítese unha vez que a embarcación que se cita se incauta en virtude de resolución da Presidencia de Portos de Galicia do 7 de outubro de 2015, publicada no BOE número 278, do 20 de novembro, por constituír a embarcación un risco ambiental e carecer de valor venal.
O importe a que ascendeu a retirada e o desmantelamento da embarcación foi de 5.445,00 euros, IVE incluído.
O requirimento emítese ao abeiro dos artigos 100, 101 e 102 da Lei 39/2015, do procedemento administrativo común das administracións públicas, e do artigo 66 do Regulamento de servizo e policía portuarios aprobado pola Orde ministerial do 12 de xuño de 1976.
Para o pagamento da cantidade a que ascendeu o custo de reposición, que deberá de realizarse nos prazos previstos no artigo 62 da Lei 58/2003, do 17 de decembro, xeral tributaria, baixo a advertencia de exacción pola vía executiva, empregarase o modelo de impreso anexo á presente cédula.
O presente requirimento, que ten eficacia executiva, non esgota a vía administrativa e é susceptible de recurso de alzada, que deberá ser interposto ante a Presidencia de Portos de Galicia no prazo dun mes contado desde o día seguinte ao da publicación.
Santiago de Compostela, 15 de xuño de 2017
José Ignacio Villar García
Director de Portos de Galicia