En relación coa convocatoria publicada no DOG núm. 113, do 15 de xuño de 2017, pola que se publicou a licitación do servizo de ampliación e renovación de licenzas da ferramenta corporativa de protección de sistemas informáticos, acórdase que o prazo de presentación de proposicións se amplíe ata o día 11 de xullo de 2017.
A apertura do sobre B terá lugar o décimo primeiro día natural contado desde o seguinte ao da finalización de presentación das ofertas, ás 9.00 horas na sala 2.1 do Edificio Administrativo de San Lázaro.
Permanecen inalterados o resto dos aspectos detallados no anuncio orixinario, todo isto de conformidade co artigo 32 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 22 de xuño de 2017
Mª Jesús Piñeiro Bello
Directora xeral de Recursos Económicos