Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 122 Mércores, 28 de xuño de 2017 Páx. 31737

VI. Anuncios

a) Administración autonómica

Consellería de Economía, Emprego e Industria

ANUNCIO do 5 de xuño de 2017, da Secretaría Xeral de Emprego, polo que se notifica a resolución do expediente sancionador incoado por infracción administrativa na orde social 2017/0003-0.

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, intentadas as notificacións persoais e devoltas polo servizo de Correos por resultar imposible a súa práctica, por este anuncio notifícaselle á empresa relacionada no anexo a resolución ditada no expediente sancionador na orde social.

O texto íntegro da resolución poderase consultar nas dependencias da Secretaría Xeral de Emprego, situada no Edificio Administrativo San Lázaro, s/n, 15781 Santiago de Compostela, no prazo de dez (10) días, contados desde o día seguinte ao da data de publicación deste anuncio no taboleiro de edictos único (TEU) do Boletín Oficial del Estado. Transcorrido este prazo, teranse por notificadas as actuacións.

A resolución non esgota á vía administrativa e os interesados poderán formular recurso de alzada, no prazo dun mes, contado desde a súa publicación no Boletín Oficial del Estado, ante o conselleiro de Economía, Emprego e Industria, de acordo co establecido nos artigos 121 e 122 da citada Lei 39/2015.

Advírteselle que, de non interpoñer o citado recurso, terá que aboar a multa imposta mediante a necesaria utilización do impreso que poderá solicitar na correspondente xefatura territorial ou nos servizos centrais da Consellería de Economía, Emprego e Industria, no número de conta, na entidade bancaria e prazo que nel se sinala, dentro do prazo do pagamento do período voluntario, xa que, noutro caso se incoará o procedemento pola vía de constrinximento.

Santiago de Compostela, 5 de xuño de 2017

Covadonga Toca Carús
Secretaria xeral de Emprego

ANEXO

Empresa

Domicilio Localidade

Nº expediente

Data resolución secretaria xeral

Preceptos

Sanción imposta

Infrinxidos

Sancionadores

Integración y Personas, S.L.

R/ Herreros (porta 21), 28, 2º, Pontevedra

RL 2017/0003-0 73751/2016/4/T

3 de febreiro de 2017

Artigos 4.2.f) e 26 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores

Artigo 8.1 do texto refundido da Lei sobre infraccións e sancións na orde social, aprobado mediante Real decreto lexislativo 5/2000, do 4 de agosto

15.000 €