En virtude da Resolución do 16 de xuño de 2017, da Dirección Xeral da Función Pública (Diario Oficial de Galicia núm. 119, do 23 de xuño), aprobáronse as listaxes provisionais de persoas admitidas e excluídas no proceso selectivo para o ingreso no corpo facultativo superior de administración especial da Administración xeral da Comunidade Autónoma de Galicia, subgrupo A1, escala de veterinarios, convocado pola Orde do 31 de marzo de 2017, publicada no Diario Oficial de Galicia núm. 69, do 7 de abril.

Unha vez transcorrido o prazo regulamentario para a presentación de reclamacións sobre as ditas listaxes, de conformidade co artigo 12 do Regulamento de selección de persoal da Administración da Comunidade Autónoma de Galicia, e coa base I.4.2 das que rexen o proceso selectivo, esta dirección xeral

RESOLVE:

Aprobar as listaxes definitivas de persoas admitidas e excluídas no proceso selectivo para o ingreso no corpo facultativo superior de administración especial da Administración xeral da Comunidade Autónoma de Galicia, subgrupo A1, escala de veterinarios, convocado pola Orde do 31 de marzo de 2017.

A listaxe definitiva de persoas aspirantes admitidas poderase consultar no portal web corporativo funcionpublica.xunta.gal.

A listaxe de persoas aspirantes excluídas, con indicación da causa determinante da súa exclusión, figura como anexo a esta resolución.

A Administración devolverá de oficio o importe ingresado en concepto de dereitos de exame a aquelas persoas aspirantes definitivamente excluídas que, de acordo coa base I.3, realizaron o pagamento con certificado dixital ou DNI electrónico ou ben fixeron constar na súa solicitude o número de conta para estes efectos.

Para a devolución do importe ingresado por aqueloutras persoas aspirantes que non fixeron constar eses datos, e figuren nesta resolución como excluídas, será necesaria a presentación dun escrito en que se faga constar o número de conta (24 díxitos), a entidade bancaria e a localidade desta ou dun certificado expedido pola entidade en que figuren eses datos. Esta documentación deberá ser presentada no prazo dun mes contado a partir do día seguinte ao da publicación desta resolución no Diario Oficial de Galicia.

De conformidade co disposto na base I.3, non procederá a devolución do importe aboado en concepto de dereitos de exame nos supostos de renuncia a participar no proceso das persoas solicitantes admitidas provisional ou definitivamente.

Contra esta resolución poderase interpoñer recurso potestativo de reposición ante o conselleiro de Facenda, no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderase interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto no artigo 8.2 da Lei 29/1998, do 13 de xullo, en relación co artigo 10.1 do mesmo texto legal.

Santiago de Compostela, 30 de agosto de 2017

José María Barreiro Díaz
Director xeral da Función Pública

ANEXO
Relación de persoas aspirantes excluídas

Acceso libre.

Apelidos e nome	NIF	Motivo da exclusión
Berdomas García, María Concepción	79310014B	13
Brito Domínguez, Patricia	76913570Y	17, 20, 58
Calvo Rodríguez, Jaime	33998099M	22
Expósito Villasante, Aldara María	53547349Z	58
Fernández García, Óscar	45434793H	22
Galdo Lancharro, Juan Tomás	08824435W	17, 20, 58
González Alén, Silvia	44808528C	43
Martínez Domínguez, Ander	16088718B	16, 20
Matía Carles, Alan	35487749Z	17, 20, 58
Miguélez Miguélez, Álvaro	71419312B	16, 20
Quintairos Veloso, Anxo	44495700S	17, 58
Ramos Maraña, Ana	71668248H	16, 20
Rico Lázaro, Silvia	76044301E	17, 20, 58
Román Fernández, Carlos	32761498E	13
Rosado Martínez, Rosa Belén	48481493T	56
Sola Morena, Alba María	48624455V	17, 20, 58
Villamarín Castro, Julio Manuel	32799772R	22

Cota específica base I.1.2.

Apelidos e nome	NIF	Motivo da exclusión
Chine Vendrell, Joan Marc	45912274L	16

Código	Descrición
13	Documento exención taxas fóra de prazo
15	Documento xustificativo exención taxas non cotexado
16	Documento xustificativo exención taxas non presentado
17	Doc. xustif. demandante emprego 6 meses antes convocatoria non presentado
20	Taxas non aboadas
22	Taxas aboadas fóra de prazo
26	Doc. xustif. exención taxas con cotexo non válido
43	Desistencia da solicitude
56	Doc. xustif. non percibir prest. ou subs. desemprego non válido
58	Doc. xustif. de non percibir prest. ou subs. por desemprego non presentado