Faise público que mediante o Decreto da Alcaldía 2017-0711, do 11 de setembro de 2017, se aprobou o prego de cláusulas administrativas particulares e técnicas que rexerá a contratación, mediante procedemento aberto con varios criterios de adxudicación, do servizo de asistencia xurídica e defensa xudicial do Concello de Cervo.
1. Entidade adxudicadora.
a) Organismo: Concello de Cervo.
b) Dependencia que tramita o expediente: Secretaría/Intervención.
c) Domicilio: praza do Concello, s/n.
d) Localidade e código postal: Cervo (Lugo) 27891.
e) Teléfono: 982 55 77 77.
f) Fax: 982 55 77 29.
g) Enderezo da internet do perfil contratante: www.concellodecervo.com
2. Obxecto do contrato.
a) Tipo: contrato administrativo de servizo.
b) Descrición: o obxecto do contrato é a execución do servizo de asesoramento xurídico e defensa xudicial do Concello de Cervo, que se deberá prestar nas condicións que rexen a presente contratación e as demais condicións que oferte o adxudicatario, as cales se integrarán e formarán parte do contido obrigacional do contrato.
c) Duración do contrato: o prazo total de execución da prestación obxecto do contrato será de dous (2) anos contados desde a data da súa formalización, que se poderá prorrogar anualmente por un máximo de dous (2) anos, por mutuo acordo das partes.
d) CPV: 79100000-8 Servizos de asistencia e representación xurídica.
e) NUTS: ES112.
3. Tramitación e procedemento.
a) Tramitación: ordinaria.
b) Procedemento: aberto.
c) Criterios de adxudicación:
– Criterios avaliables automaticamente:
• Días ao mes de asistencia persoal no Concello: 12 puntos.
• Redución do prezo: 40 puntos.
– Criterios cuxa ponderación dependa dun xuízo de valor:
• Equipo: 8 puntos.
• Sistema de organización do traballo: 16 puntos.
• Sistema de control de calidade do traballo ofrecido: 8 puntos.
• Melloras: 16 puntos.
4. Orzamento e valor estimado do contrato.
O orzamento do contrato, polos dous anos, será de sesenta e sete mil douscentos euros (67.200 €) máis catorce mil cento doce euros (14.112 €) correspondentes ao imposto sobre o valor engadido (en diante, IVE), cantidade que poderá ser mellorada nas súas ofertas polos licitadores.
O valor estimado do contrato ascende a cento trinta e catro mil catrocentos euros (134.400 €).
5. Garantías exixidas.
a) Provisional: non se exixe.
b) Definitiva: 5 por 100 do importe de adxudicación, sen incluír o IVE.
6. Requisitos específicos do contratista.
Non será exixible a clasificación do contratista.
A capacidade e solvencia do empresario será a exixida no prego de cláusulas administrativas na cláusula 5.
7. Presentación de ofertas.
a) Prazo: as ofertas presentaranse no Concello, en horario de atención ao público, dentro do prazo de vinte e seis días (26) naturais contados a partir do día seguinte ao da publicación do anuncio de licitación no Boletín Oficial da provincia, no perfil do contratante e no Diario Oficial de Galicia.
b) Lugar de presentación:
Dependencia: Rexistro Xeral do Concello de Cervo.
Domicilio: praza do Concello, s/n.
Localidade e código postal: Cervo (Lugo) 27891.
Fax: 982 55 77 29.
c) Modalidade de presentación: as proposicións poderanse presentar por correo, telefax ou polos medios electrónicos, informáticos e telemáticos, en calquera dos lugares establecidos no artigo 16.4 da Lei 39/2015, do 1 de outubro, do procedemento administrativo común das administracións públicas (en diante, LPAC), tendo en conta o disposto na disposición transitoria segunda da dita norma legal.
Cando as proposicións se envíen por correo, o empresario deberá xustificar a data de imposición do envío na oficina de Correos e anunciarlle ao órgano de contratación a remisión da oferta mediante comunicación telegráfica, fax ou telefax o mesmo día da presentación. Sen a concorrencia de ambos os dous requisitos non será admitida a oferta. Non obstante, transcorridos dez (10) días naturais desde a data de comunicación referida sen recibir a comunicación, esta non será admitida.
8. Gastos de publicidade: serán por conta do contratista adxudicatario.
Cervo, 14 de setembro de 2017
Alfonso Villares Bermúdez
Alcalde