Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 206 Luns, 30 de outubro de 2017 Páx. 50581

VI. Anuncios

b) Administración local

Concello de Santiago de Compostela

ANUNCIO de ampliación dos usos dotacionais autorizados na reserva de equipamento DOC-15 As Fontiñas.

O Pleno da Corporación, na sesión ordinaria que tivo lugar o día 20 de xullo de 2017, adoptou, entre outros, o seguinte acordo:

Ao abeiro do previsto polo artigo 42.5 da Lei do solo de Galicia, ampliar os usos permitidos na reserva de equipamento DOC-15, co fin de permitir, ademais do uso docente asignado polo vixente Plan parcial, os seguintes: asistencial, administrativo e sociocultural, que poderán desenvolverse de forma exclusiva ou compartida.

Contra este acordo poderase interpor directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.

Santiago de Compostela, 8 de setembro de 2017

O alcalde
P.D. (Decreto DEC/4282/2017, do 28 de xuño)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais