Na Xunta Local de Goberno do 19 de outubro de 2017, aprobáronse o expediente de contratación e os pregos de condicións da obra de execución da conexión do saneamento de Tameiga coa rede de colectores do Louro.
1. Entidade adxudicadora: Concello de Mos.
2. Obxecto do contrato: execución da conexión do saneamento de Tameiga coa rede de colectores do Louro (CPV 45232410).
Prazo de execución: catro (4) meses.
3. Procedemento: aberto.
4. Prezo do contrato: 296.233,98 euros máis 62.207,04 euros de IVE.
5. Garantías. Provisional: non se exixe. Definitiva: 5 % do importe da adxudicación.
6. Obtención de información e documentación: a través da páxina web do Concello:
http://www.mos.es/ e no Concello de Mos. Rúa Reguengo, 1, Petelos. 36416 Mos. Pontevedra. Teléfono: 986 33 12 00, fax: 986 33 66 18.
7. Requisitos xerais do contratista sinalados no prego de condicións administrativas.
Clasificación: non se exixe.
8. Presentación de proposicións.
a) Prazo e lugar: no Concello de Mos (Pontevedra), durante os trece (13) días naturais desde o seguinte ao de publicación do presente anuncio no último boletín (DOG ou BOP), das 9.00 ás 14.00 horas, de luns a venres, no Rexistro Xeral do Concello ou por calquera outro medio a que se refire o artigo 16 da Lei 39/2015.
b) Documentación que cómpre presentar: as proposicións en sobres pechados, coas inscricións e a documentación que se sinalan nos pregos de condicións.
9. Apertura das ofertas: na Casa do Concello de Mos, o sexto día hábil seguinte ao de finalización do prazo para a presentación de proposicións.
10. Gastos de anuncios: serán por conta do adxudicatario.
Mos, 24 de outubro de 2017
Nidia Mª Arévalo Gómez
Alcaldesa