En cumprimento do disposto no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do seguinte contrato administrativo:
1. Entidade adxudicadora:
a) Organismo: Axencia Turismo de Galicia.
b) Dependencia que tramita o expediente: Xerencia da Axencia Turismo de Galicia.
c) Enderezo da internet do perfil do contratante: http://www.contratosdegalicia.es
d) Data de publicación no perfil do contratante: 19 de xuño de 2017.
2. Obxecto do contrato:
a) Tipo de contrato: servizo.
b) Descrición do obxecto: levar a cabo os traballos de produción, impresión e enmarcado de 35 fotografías en 3D, deseño e impresión de lentes e díptico en 3D, deseño e impresión de material gráfico e fabricación de caixas, transporte i/v, montaxe e desmontaxe de 35 murais e de 17 fotografías propiedade da Axencia Turismo de Galicia e o material gráfico que os acompaña e seguro cravo a cravo, que cubra os elementos que conforman a itinerancia da exposición.
3. Tramitación e procedemento:
a) Tramitación: ordinaria.
b) Procedemento: aberto.
c) Forma de adxudicación: pluralidade de criterios.
4. Orzamento base de licitación:
Importe sen IVE: 56.350,00 €.
IVE (21 %): 11.833,50 €.
Importe total IVE incluído: 68.183,50 €.
5. Formalización do contrato:
a) Data de adxudicación: 16 de outubro de 2017.
b) Data de formalización do contrato: 24 de outubro de 2017.
c) Adxudicataria: Jega Gráfica, S.L.
d) Importe de adxudicación: 56.350,00 € (IVE non incluído).
e) Vantaxes da oferta adxudicataria: oferta máis vantaxosa ao obter a maior puntuación, en aplicación dos criterios de adxudicación establecidos no prego de cláusulas administrativas que rexe o procedemento.
Santiago de Compostela, 26 de outubro de 2017
Mª Nava Castro Domínguez
Directora da Axencia Turismo de Galicia