Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Electra Alto Miño Distribuidora de Energía, S.L.

Domicilio social: polígono industrial Chan da Ponte, parcela 19, 36450 Salvaterra de Miño.

Denominación: reforma LMTA de CT Entenza 1 a CT Entenza 2.

Situación: Salceda de Caselas.

Características técnicas: LMT aérea a 20 kV, con condutor LA-110, de 950 metros de lonxitude, con orixe no apoio existente C-4500/22 da LMT subderivación Entenza e final no apoio proxectado nº 11, C-4500/22. A instalación está situada na parroquia de Entenza, concello de Salceda de Caselas.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, nº 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 30 de outubro de 2017

Ignacio Rial Santomé
Xefe territorial de Pontevedra