1. Entidade adxudicadora:

a) Organismo: Instituto Galego da Calidade Alimentaria.

b) Dependencia que tramita o expediente: Secretaría Técnica.

2. Obxecto do contrato:

a) Tipo: contrato administrativo de servizos.

b) Descrición do obxecto: servizo de limpeza do material de laboratorio e dos edificios do Laboratorio Agrario e Fitopatolóxico de Galicia, Lafiga.

c) División por lotes e número: non.

d) Lugar de execución: nas instalacións do Laboratorio Agrario e Fitopatolóxico de Galicia na estrada AC-542, p.q. 7,5 Mabegondo, 15318 Abegondo (A Coruña).

d) Prazo de execución: 24 meses desde a súa sinatura.

e) Admisión de prórroga: si. Como máximo por doce meses máis.

f) CPV: 90911200-8.

3. Tramitación e procedemento de adxudicación: urxente. Procedemento aberto, non suxeito a regulación harmonizada, documentalmente simplificado.

Criterios de adxudicación: avaliables de forma automática, recollidos na epígrafe A do cadro de criterios de adxudicación do contrato do cadro de características.

4. Orzamento de licitación:

Importe excluído IVE: 172.561,98 €, IVE (21 %): 36.238,02 €. Importe total: 208.800,00 €.

Valor estimado: 258.842,98 €.

5. Financiamento: fondos propios.

6. Requisitos específicos do contratista:

a) Clasificación: non se exixe. Non obstante, se o licitador conta coa clasificación: grupo U, subgrupo 1 e categoría 1, e grupo M, subgrupo 1 e categoría 1, estará exento de presentar solvencias.

b) Solvencia económica e financeira e solvencia técnica e profesional: segundo o disposto nas letras F.2 e F.3 do cadro de características do PCAP.

7. Garantías exixidas. Definitiva: do 5 % do importe de adxudicación, excluído o IVE.

8. Obtención de documentación e información:

a) Entidade: Secretaría Técnica do Instituto Galego da Calidade Alimentaria.

b) Enderezo: Pazo de Quián, s/n, Sergude, 15881 Boqueixón (A Coruña).

c) Teléfonos: 881 99 72 76.

d) Telefax: 981 54 66 76.

e) Enderezo electrónico: ingacal@xunta.gal

f) Data límite de obtención de documentos e información: ata a data límite de presentación das ofertas, todos os días laborables, agás sábados, das 9.00 ás 14.30 horas.

Tamén poderán obterse os pregos relativos a esta contratación a través da internet no enderezo: http://www.contratosdegalicia.es/

9. Presentación das ofertas:

a) Data límite de presentación: o prazo de presentación das ofertas comezará o día seguinte ao da publicación deste anuncio no Diario Oficial de Galicia e rematará aos oito (8) días naturais, a non ser que o último día sexa inhábil, caso en que se prorrogará o prazo ao primeiro día hábil seguinte.

b) Documentación que hai que presentar: a indicada no prego de cláusulas administrativas particulares.

c) Lugar de presentación: o único rexistro válido será a oficina de Rexistro do Instituto Galego da Calidade Alimentaria. Poderase enviar por correo dentro do prazo de admisión sinalado, a este rexistro. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 66 76), ou ben ao enderezo electrónico ingacal@xunta.gal.

d) Prazo no que o licitador estará obrigado a manter a súa oferta: dous (2) meses contados desde a data de apertura das proposicións.

10. Apertura das ofertas:

a) Enderezo: sala de xuntas da Secretaría Xeral Técnica da Consellería do Medio Rural.

b) Localidade e código postal: Santiago de Compostela 15781.

c) Data e hora: a apertura dos sobres B terá lugar, en acto público, ás 12.00 horas do oitavo día hábil seguinte ao de finalización do prazo de presentación de ofertas.

11. Gastos de publicidade: serán por conta do/s adxudicatario/s.

12. Outras informacións: achéganse datos para a subrogación dos traballadores no anexo I do prego de prescricións técnicas (PPT).

Santiago de Compostela, 14 de novembro de 2017

Tomás Fernández-Couto Juanas
Director do Instituto Galego da Calidade Alimentaria