Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento despedimento obxectivo individual 561/2017 deste xulgado do social, seguido por instancia de José Luis García Fernández contra Mármoles Alende, S.L., Construcciones Rey Doce, S.L. e Instalaciones Alende, S.L., con citación do Fogasa, sobre despedimento, se ditou sentenza cuxo encabezamento e resolución son do teor literal seguinte:

«Santiago de Compostela, 3 de novembro de 2017.

Elena Calleja Curros, maxistrada xuíza do Xulgado do Social número 1 de Santiago de Compostela, tras ver o presente despedimento obxectivo individual 561/2017 por instancia de José Luis García Fernández, asistido pola letrada Sra. Cancela Regueira, contra Mármoles Alende, S.L., Construcciones Rey Doce, S.L. e Instalaciones Alende, S.L., con citación do Fogasa, que non compareceron ao xuízo oral, en nome do rei, pronunciou a seguinte

Sentenza nº 486/2017.

Resolución.

Estimo a demanda en materia de despedimento interposta pola representación procesual da parte demandante fronte ás codemandadas e, ante a imposibilidade de readmisión, declaro extinguida a relación laboral do demandante con Mármoles Alende, S.L. con data desta resolución, e condeno a Mármoles Alende, S.L. ao aboamento dos salarios de trámite, calculados a razón de 50,98 euros/día.

En concepto de indemnización, debe aboar ao demandante a cantidade de 38.616,81 euros.

Notifíquese a presente resolución ás partes e fágaselles saber o seu dereito a interpor contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.

Así, por esta miña sentenza, pronúncioo, mándoo e asínoo».

E para que sirva de notificación en legal forma a Mármoles Alende, S.L., Construcciones Rey Doce, S.L. e Instalaciones Alende, S.L., en ignorado paradoiro, expido este edicto para a súa inserción no Diario Oficial de Galicia e para a súa fixación no taboleiro de anuncios deste xulgado.

Advírtese as destinatarias de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Santiago de Compostela, 3 de novembro de 2017

A letrada da Administración de xustiza