Eu, María del Mar Pino Pérez, letrada substituta da Administración de xustiza do Xulgado de Primeira Instancia número 4 de Vigo, fago saber que no XVB 853/2016 seguido neste xulgado se ditou a seguinte resolución:
«Sentenza 153/2017.
Vigo, 20 de xullo de 2017.
Vistos por min, Manuel Ángel Pereira Costas, maxistrado do Xulgado de Primeira Instancia número 4 de Vigo, os presentes autos de xuízo verbal que co número 853/2016 se seguen por instancia de Preventiva, Compañía de Seguros y Reaseguros, S.A., representada pola procuradora Ana María Pazo Irazu e dirixida polo letrado Ignacio Velilla Fernández, contra de Carmen López Fernández, declarada en situación de rebeldía procesual, os cales teñen por obxecto una acción de reclamación de cantidade.
Resolución:
Estimo totalmente a demanda formulada por Preventiva, Compañía de Seguros y Reaseguros, S.A. contra de Carmen López Fernández, e fago, en consecuencia, os seguintes pronunciamentos:
1º. Condeno a Carmen López Fernández a aboarlle a Preventiva, Compañía de Seguros y Reaseguros, S.A. a cantidade de 4.487,29 euros, a cal reportará una indemnización pola demora equivalente ao xuro legal do diñeiro, contado desde a data da reclamación xudicial.
2º. Condeno a Carmen López Fernández a pagar as custas procesuais.
Notifíquese esta sentencia ás partes, ás que se lles fará saber que non é firme e que contra ela poderán interpoñer recurso de apelación para ante a Audiencia Provincial de Pontevedra no prazo de vinte días.
Así o acordo, mando e asino».
E como consecuencia do ignorado paradoiro de Carmen López Fernández, e para que sirva de notificación, expido este edicto.
Vigo, 27 de xullo de 2017
O letrado da Administración de xustiza