No Diario Oficial de Galicia número 71, do 11 de abril de 2017, publicouse a Orde do 30 de marzo de 2017 pola que se establecen as bases reguladoras que rexerán a concesión de axudas individuais destinadas á adquisición de servizos de promoción da autonomía persoal, así como a adquisición de servizos complementarios de asistencia persoal, a persoas con discapacidade, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria para o ano 2017 (corrección de erros no DOG núm. 80, do 26 de abril).
No artigo 6.1 sobre «Crédito orzamentario» determínase un importe de 221.126,38 € destinado a atender as solicitudes que se presenten a esta convocatoria de axudas. Así mesmo, establece que a dita asignación orzamentaria poderá ser incrementada nos termos previstos no artigo 31.2 da Lei 9/2007, do 13 de xuño, de subvencións de Galicia.
Á data actual producíronse incrementos de crédito na aplicación orzamentaria financiadora destas axudas derivadas de incorporacións e de remanentes da convocatoria do ano anterior, por un importe total de 100.508,87 €, polo que procede incrementar o importe do crédito destinado á convocatoria de axudas deste ano ata o límite de gasto cofinanciado polo FSE autorizado con carácter previo para o ano 2017 (313.955 €).
En consecuencia, no uso das facultades que teño atribuídas pola Lei 1/1983, do 22 de febreiro, de normas reguladoras da Xunta e da súa Presidencia, e polo Decreto 176/2015, do 3 de decembro, polo que se establece a estrutura orgánica da Consellería de Política Social,
RESOLVO:
Artigo único. Modificación da Orde do 30 de marzo de 2017, pola que se establecen as bases reguladoras que rexerán a concesión de axudas individuais destinadas á adquisición de servizos de promoción da autonomía persoal, así como a adquisición de servizos complementarios de asistencia persoal, a persoas con discapacidade, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria para o ano 2017.
O número 1 do artigo 6 da Orde do 30 de marzo de 2017, pola que se establecen as bases reguladoras que rexerán a concesión de axudas individuais destinadas á adquisición de servizos de promoción da autonomía persoal, así como a adquisición de servizos complementarios de asistencia persoal, a persoas con discapacidade, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria para o ano 2017, queda modificada como segue:
«1. O financiamento das axudas previstas nesta orde efectuarase con cargo á aplicación orzamentaria dos orzamentos xerais da Comunidade Autónoma de Galicia para o ano 2017 12.04.312E.480.00 (proxecto 2016-00162), cun importe de 313.955 € destinado a atender as solicitudes, cofinanciada nun 80 % con fondos FSE no programa operativo de Galicia 2014-2020, obxectivo específico 9.4.1 “Mellorar a accesibilidade para as persoas máis vulnerables a servizos de atención sanitaria, sociais e de orientación, formación e educación, incluíndo a eliminación dos estereotipos”.
A dita asignación orzamentaria poderá ser incrementada nos termos previstos no artigo 31.2 da Lei 9/2007, do 13 de xuño».
Disposición derradeira única. Entrada en vigor
Esta orden entrará en vigor o día seguinte ao da súa publicación no Diario Oficial de Galicia.
Santiago de Compostela, 18 de decembro de 2017
José Manuel Rey Varela
Conselleiro de Política Social
