1. Entidade adxudicadora:
Organismo: Axencia Turismo de Galicia.
Dependencia que tramita o expediente: Xerencia da Axencia Turismo de Galicia.
2. Obxecto do contrato:
Tipo de contrato: servizo.
Descrición do obxecto: impresión de material gráfico necesario para o desenvolvemento das funcións encomendadas á Axencia Turismo de Galicia: asistencia a feiras, atención ás demandas de información por parte de usuarios nas oficinas de turismo, asistencia a actos promocionais e outras funcións.
Prazo de execución: doce (12) meses.
3. Tramitación, procedemento e forma de adxudicación:
Tramitación: anticipada.
Procedemento: aberto.
Forma de adxudicación: adxudicación baseada nos criterios establecidos no prego.
4. Orzamento base de licitación:
Importe sen IVE: 80.000 €.
IVE (21 %): 16.800 €.
Importe total IVE incluído: 96.800,00 €.
5. Garantías:
Provisional: non se exixe.
Definitiva: 5 % do importe de licitación, IVE excluído.
6. Obtención de documentación e información:
O prego de cláusulas administrativas particulares e o prego de prescricións técnicas do servizo poderán ser examinados na Área de Contratación da Axencia Turismo de Galicia.
Poderanse obter os pregos relativos a esta contratación no seguinte enderezo da internet:
http://www.contratosdegalicia.es/resultado.jsp?N=238465
7. Requisitos específicos do contratista:
Solvencia económica e financeira: deberase xustificar polos medios sinalados na cláusula 9 do cadro de características do prego de cláusulas administrativas particulares.
Solvencia técnica e profesional: deberase xustificar polos medios sinalados na cláusula 10 do cadro de características do prego de cláusulas administrativas particulares.
8. Presentación de ofertas:
Data límite de presentación: o décimo quinto día natural contado a partir do seguinte ao da publicación desta resolución no Diario Oficial de Galicia. Se o día de finalización do prazo fose domingo ou festivo, prorrogarase ata o primeiro día hábil seguinte.
Documentación que hai que presentar: véxase o prego de cláusulas administrativas particulares.
Lugar de presentación de proposicións: efectuarase no rexistro da Axencia Turismo de Galicia, estrada Santiago-Noia, km 3 (A Barcia), 15897 Santiago de Compostela, A Coruña, en sobres pechados. Se as proposicións se cursan por correo haberá que aterse ao previsto na cláusula 13.2 do prego de cláusulas administrativas particulares.
Criterios de adxudicación: a oferta máis vantaxosa tendo en conta os criterios que figuren no prego de cláusulas administrativas particulares.
Admisión de variantes: non se admiten.
9. Apertura das ofertas:
O acto público de apertura do sobre B terá lugar na sala de xuntas da Axencia Turismo de Galicia na data e na hora que serán anunciadas no perfil de contratante http://www.contratosdegalicia.es
10. Gastos do anuncio: por conta do adxudicatario.
Santiago de Compostela, 20 de decembro de 2017
Mª Nava Castro Domínguez
Directora da Axencia Turismo de Galicia