Para unha adecuada aplicación das taxas e os prezos da Comunidade Autónoma de Galicia a orde a que fai referencia o título desta resolución procedeu a codificar tanto as diferentes taxas como os servizos xestores que as aplican.
Ao longo do ano promulgáronse unha serie de normas que viñeron crear ou modificar as tarifas existentes, razón pola que mediante esta resolución se procede revisar as codificacións recollidas nas ordes citadas, consonte coa autorización contida no parágrafo 2 da disposición adicional da Orde da Consellería de Economía e Facenda do 30 de xuño de 1992 e a autorización contida na disposición adicional terceira da Orde do 29 de xuño de 1994.
As normas que motivan as modificacións son as que se citan a seguir:
• Lei de medidas fiscais da Comunidade Autónoma de Galicia para 2018.
Por todo iso, e en virtude do parágrafo segundo da disposición adicional da Orde do 30 de xuño de 1992 referida, e da disposición adicional terceira da Orde do 29 de xuño de 1994,
RESOLVO:
Primeiro. Actualizar o anexo VI da Orde da Consellería de Economía e Facenda do 30 de xuño de 1992, do xeito seguinte:
Engadindo os códigos relacionados a seguir, de maneira que se insiran no lugar que lles corresponda segundo a orde preestablecida:
30.03.03 |
Inscrición para a inclusión nas bolsas para a selección de persoal funcionario interino para ocupar postos reservados a persoal funcionario con habilitación de carácter nacional |
30.03.04 |
Inscrición nos procesos selectivos para a selección dos membros dos corpos da policía local, vixiantes municipais e auxiliares de policía local derivada da cooperación da Administración xeral da Comunidade Autónoma de Galicia |
30.14.12 |
Participación en sorteos de distribución de permisos de pesca fluvial |
31.01.21 |
Emisión de distintivos da actividade de arrendamento de vehículos con condutor. Cobrarase unha taxa por cada distintivo emitido, inicialmente ou por substitución |
31.11.03 |
Autorización de funcionamento ou traslado de entidade de distribución de medicamentos de uso humano |
31.11.04 |
Autorización de modificacións relevantes que afecten os locais, equipos ou actividades de entidades de distribución de medicamentos de uso humano |
31.11.05 |
Autorización de cambio de titularidade dunha entidade de distribución de medicamentos de uso humano |
31.11.06 |
Autorización de peche de entidade de distribución de medicamentos de uso humano |
31.11.07 |
Inspección para a verificación do cumprimento das boas prácticas de distribución de medicamentos de uso humano e/ou das boas prácticas de distribución de principios activos para medicamentos de uso humano |
31.11.08 |
Inspección para a verificación do cumprimento das normas de correcta fabricación de medicamentos |
31.11.09 |
Emisión de certificados de cumprimento de boas prácticas en materia de medicamentos (normas de correcta fabricación de medicamentos, boas prácticas de distribución de medicamentos e principios activos e outras asimilables) |
31.25.03 |
Análise parasitolóxica por mostra nas unidades da Rede Integrada de Laboratorios de Diagnóstico de Triquina da Comunidade Autónoma de Galicia |
32.25.35 |
Instrumentos destinados a medir a velocidade de circulación de vehículos de motor: verificación de produto ou verificación tras a reparación ou modificación de cinemómetros tramo (tramo adicional) |
32.52.22 |
Declaración de subproduto |
32.81.00 |
Informes preliminares de situación e informes de situación en materia de solos contaminados |
Modificando os códigos seguintes:
30.03.00 |
Inscrición nas convocatorias para a selección de persoal das administracións públicas |
30.03.01 |
Inscrición nas listas para a cobertura con carácter temporal de postos de traballo na Administración xeral da Comunidade Autónoma |
30.03.02 |
Inscrición nos procesos de selección de persoal da Administración xeral da Comunidade Autónoma |
31.07.04 |
Expedición de notificacións de movemento intracomunitario de animais vivos procedentes da acuicultura, certificados zoosanitarios e zootécnicos, incluídos os relacionados cos movementos de animais vivos e produtos de orixe animal, salvo que as tramitacións de autorizacións de traslado de animais se realicen de forma telemática a través da oficina agraria virtual da consellería competente en materia de acuicultura, ou que o operador actúe directamente a través do Sistema Traces (mínimo 2,91 € por certificación) |
31.11.00 |
Servizos farmacéuticos e actividades realizadas en materia de medicamentos e principios activos para fabricar medicamentos |
32.25.00 |
Emisión de certificados de verificación de produto, verificación periódica ou verificación tras a reparación ou modificación, emitidos directamente pola Administración, cando os ensaios os realice un laboratorio por ela designado (por instrumento) |
32.25.30 |
Instrumentos destinados a medir a velocidade de circulación de vehículos de motor: verificación de produto ou verificación tras a reparación ou modificación de cinemómetros estáticos |
32.25.31 |
Instrumentos destinados a medir a velocidade de circulación de vehículos de motor: verificación de produto ou verificación tras a reparación ou modificación de cinemómetros móbil |
32.25.32 |
Instrumentos destinados a medir a velocidade de circulación de vehículos de motor: verificación de produto ou verificación tras a reparación ou modificación de cinemómetros tramo |
Eliminando os códigos seguintes:
31.12.06 |
Expedición do certificado de formación en hixiene alimentaria para manipuladores de alimentos |
31.12.08 |
Autorización de entidades de formación para impartir programas de formación en hixiene alimentaria para manipuladores de alimentos |
31.25.01 |
Análise parasitolóxica por mostra tomada sen necesidade de presenza do veterinario no domicilio |
31.25.02 |
Por visita, coa inclusión da análise parasitolóxica |
Segundo. Actualizar o anexo VII da Orde da Consellería de Economía e Facenda do 30 de xuño de 1992, quedando como segue:
Banco Santander.
Banco Popular.
Banco Sabadell.
Banco Caixa Geral.
BBVA.
Targobank.
Banco Pastor.
Evo Banco.
Bankia.
Abanca.
Ibercaja.
Caixabank.
Caja Rural Galega.
Caja Rural Zamora.
Terceiro. Actualizar os anexos I e II da Orde da Consellería de Economía e Facenda do 29 de xuño de 1994, facendo as seguintes modificacións:
Eliminando do anexo I e engadindo ao anexo II da orde o prezo:
364600 |
Servizos prestados polo Laboratorio de Metroloxía de Galicia |
Cuarto. Esta resolución entrará en vigor o día 1 de xaneiro de 2018
Santiago de Compostela, 20 de decembro de 2017
Mª Victoria González Vázquez
Directora da Axencia Tributaria de Galicia