Tendo en conta o establecido para Galicia no mapa español de axudas rexionais 2014-2020 aprobado por Decisión da Comisión do 21 de maio de 2014 e modificado por Decisión do 7 de novembro de 2016 (Axuda estatal nº SA 38472 e Axuda estatal nº SA 46099), en que se establecen dous períodos temporais con diferentes intensidades máximas de axuda permitidas a Galicia en virtude do artigo 107, número 3, letra c) do TFUE,

RESOLVO:

Dar publicidade, para o seu xeral coñecemento e no que atinxe ás axudas e subvencións convocadas polo Igape, que a intensidade máxima de axuda rexional permitida en Galicia no período comprendido entre o 1 de xaneiro de 2018 e o 31 de decembro de 2020 pasa a ser do 10 %.

Dita porcentaxe máxima de intensidade de axuda, adicionada aos límites máximos permitidos para axudas ao investimento en favor das pemes (artigo 17 do Regulamento (UE) núm. 651/2014 da Comisión do 17 de xuño de 2014, polo que se declaran determinadas categorías de axudas compatibles co mercado interior en aplicación dos artigos 107 e 108 do Tratado (DOUE núm. 187, do 26 de xuño de 2014), suporá que o límite máximo de intensidade das axudas do Igape aos investimentos das pemes, concedidas a partir do 1 de xaneiro de 2018 non poderá superar o 30 % para os investimentos das pequenas empresas e o 20 % para os investimentos das medianas empresas.

Santiago de Compostela, 15 de decembro de 2017

Juan Manuel Cividanes Roger
Director xeral do Instituto Galego de Promoción Económica