Antecedentes:

A Lei 8/2013, de estradas Galicia, determina no seu artigo 6.2 que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta de Galicia elaborou a Estratexia en materia de mobilidade alternativa de Galicia, entre cuxos obxectivos está o fomento dos sistemas de transporte alternativos aos motorizados, que permitan minimizar as repercusións sobre o ambiente e os seus impactos sociais e económicos.

Os beneficios esperados con esta iniciativa son, entre outros, a mellora da mobilidade, a mellora da calidade do aire, da saúde, da igualdade e benestar da economía, do patrimonio e do urbanismo.

Con data do 2 de novembro de 2016 a Axencia Galega de Infraestruturas aprobou, con base na Estratexia en materia de mobilidade alternativa de Galicia, o documento Estratexia en materia de mobilidade alternativa na comarca de Morrazo e concellos limítrofes, onde unha das sendas propostas era un itinerario peonil e ciclista na PO-313, que agora se desenvolve mediante o proxecto construtivo itinerario peonil e ciclista na PO-313. Treito: Coirados-Pardavila, p.q. 1+380 - 3+330, clave PO/16/266.06.

O presente proxecto ten por obxecto a construción pola marxe esquerda da estrada PO-313, Marín-Moaña, dun itinerario peonil e ciclista, no treito comprendido entre o p.q. 1+380 e 3+330. As actuacións proxectadas son as seguintes:

– Construción dun beiril sobre unha canle fluvial con zona peonil.

– Execución dunha senda de formigón coloreado, reforzado con mallazo.

– Execución dunha senda de formigón con zona axardinada entre o bordo da senda e a plataforma.

– Instalación de beirarrúa e ampliación da xa existente.

– Ocupación de parte da beiravía existente para que a senda dispoña da anchura mínima.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 xuño, de estradas de Galicia, o mencionado proxecto de construción sométese ao trámite de información pública durante un período de trinta días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Que simultaneamente ao trámite sinalado no parágrafo anterior, e para os efectos previstos no artigo 56.1 do Regulamento de expropiación forzosa, se someta a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago Compostela), no Servizo de Infraestruturas de Pontevedra (rúa Fernández Ladreda, 43, 1º, 36071 Pontevedra), e na casa do concello de Marín (avenida de Ourense, s/n, 36900 Marín, Pontevedra). Así mesmo, na páxina web da Consellería de Infraestruturas e Vivenda (http://civ.xunta.gal/organizacion/c/CIV_Axencia_Galega_de_Infraestruturas) atópase á disposición dos interesados o documento completo da separata do proxecto construción.

Santiago Compostela, 10 de xaneiro de 2018

Francisco Menéndez Iglesias
Director da Axencia Galega de Infraestruturas

ANEXO
Relación de bens, dereitos e propietarios afectados

Itinerario peonil e ciclista na PO-313.

Treito: Coirados-Pardavila, p.q. 1+380 - 3+330.

Clave: PO/16/266.06.

Concello de Marín (Pontevedra).

Nº orde	Referencia catastral	Titular	Tipo	Cultivo	Clasificación urbanística	Área afectada (m2)	Bens afectados
1	36026A01200562	Acuña Acuña, Manuel	Rústico	C-labor ou labradío secaño	Solo rústico especial protexido	6,5	3 tubos salvacunetas
2	36026A01200563	Acuña Acuña, Manuel	Rústico	C-labor ou labradío secaño	Solo rústico especial protexido	16,22	1,50 árbore froiteira 2,70 xardineira formigón 5 plantas varias
3	36026A01200564	Villanueva Nores, M. Carmen	Rústico	C-labor ou labradío secaño	Solo rústico protección ordinario	4,34
4	36026A01200566	Santos S-S, Umbelina de los	Rústico	C-labor ou labradío secaño	Solo rústico protección ordinario	0,28
5	36026A01200580	Rey Carabelos, Susana Iglesias Parada, Antonio	Rústico	V-viña secaño	Solo rústico protección ordinario	20,67
6	36026A01200581	Soutullo Pazos, M. Elsa	Rústico	C-labor ou labradío secaño	Solo rústico protección ordinario	46,34	3 muros de mampostería
7	36026A01200585	Torre Calvar, Manuel de la	Rústico	C-labor ou labradío secaño	Solo rústico protección ordinario	104,72	10 peche formigón 40 peche malla arame
8	36026A01200001	Iglesias Acuña, Silverio	Rústico	C-labor ou labradío secaño	Solo rústico protección ordinario	17,78
9	36026A01200005	Acuña Dopazo, Adelina	Rústico	I-improdutivo	Solo rústico protección ordinario	0,76
10	36026A01200006	Piñeiro Barcia, Ignacio	Rústico	V-viña secaño	Solo rústico protección ordinario	1,6
11	36026A01200562	Pazos Recaman, Ignacio	Rústico	C-labor ou labradío secaño	Solo rústico protección ordinario	1,21
12	36026A01200562	Plyesteres Bidasoa, S.L.	Rústico	C-labor ou labradío secaño	Solo rústico protección ordinario	65,38
13	36026A01200562	Concello de Marín	Rústico	VT-vía comunicación dominio público	Solo rústico protección ordinario	8,21
14	36026A01200029	Crespo Calvar, Manuel, herdeiros de	Rústico	C-labor ou labradío secaño	Solo rústico protección ordinario	13,45
15	36026A01200030	Crespo Dopazo, Manuel	Rústico	C-labor ou labradío secaño	Solo rústico protección ordinario	22,27	2,35 paso salvacunetas
16	36026A01200075	Crespo Calvar, Hermosinda Crespo Calvar, Ángela, herdeiros de	Rústico	C-labor ou labradío secaño	Solo de núcleo rural	27,15
17	36026A01200076	Guimerans Pereira, Alberto	Rústico	V-viña secaño	Solo de núcleo rural	37,95
18	36026A01200077	Rial Amoedo, Consuelo	Rústico	V-viña secaño	Solo rústico protección ordinario	6,43
19	36026A01200088	Dopazo Fernández, Arturo Novegil Crespo, Dolores	Rústico	C-labor ou labradío secaño	Solo rústico protección ordinario	2	3,50 soleira de formigón
20	36026A01200089	Fernández Amoedo, Antonia, herdeiros de	Rústico	V-viña secaño	Solo rústico protección ordinario	1,25	3,50 soleira de formigón
21	36026A01400162	Villanueva Calvar, Manuel, herdeiros de	Rústico	FG-carballeira	Solo rústico protección ordinario	0,28
22	36026A01400161	Breasco González, Pablo González Lemos, Elena	Rústico	MM-piñeiral madeirable	Solo rústico protección ordinario	12,12
23	36026A01400377	Araújo Aboy, Mª Montserrat Araújo Aboy, José Luis Veiga Rial, Beatriz	Rústico	Improdutivo	Solo rústico protección ordinario	8,86
24	36026A01400083	García, Josefa	Rústico	MM-piñeiral madeirable	Solo rústico protección ordinario	14,02
25	36026A01400082	Macenlle Rosales, Dolores	Rústico	C-labor ou labradío secaño	Solo rústico protección ordinario	0
				MT-mato		27,36