De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), logo de ser intentada sen éxito a notificación persoal a través do servizo de Correos, notifícase á persoa interesada que se sinala no anexo deste anuncio a resolución do expediente ICA-CO-0015/2015-FH.
A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE), polo que o prazo para presentar o recurso se computará desde esa publicación.
A persoa interesada poderá comparecer nas oficinas da Dirección Xeral de Gandaría, Agricultura e Industrias Agroalimentarias da Consellería do Medio Rural, situadas na rúa do Camiño Francés nº 10, Santiago de Compostela (A Coruña), das 9.00 ás 14.00 horas, de luns a venres, para o coñecemento integro da mencionada resolución e constancia de tal coñecemento.
Contra a resolución do expediente de referencia, que pon fin á vía administrativa, a persoa interesada poderá interpoñer recurso contencioso-administrativo, no prazo de dous meses contados a partir do día seguinte ao da publicación deste anuncio no TEU do BOE, de conformidade co disposto no artigo 46.1 da Lei 29/1998, do 13 de xullo, reguladora da xurisdición contencioso-administrativa, a su elección, ben ante o xulgado do contencioso-administrativo en que o interesado teña o seu enderezo, ben ante o Xulgado do Contencioso-Administrativo de Pontevedra, segundo o disposto nos artigos 8 e 14 da Lei 29/1998, do 13 de xullo.
Santiago de Compostela, 27 de decembro de 2017
Carmen Bouso Montero
Secretaría xeral técnica da Consellería do Medio Rural
ANEXO
Expediente: ICA-CO-0015/2015-FH.
Persoa interesada: Luís Miguel García Almarcha.
Acto de notificación: resolución de recurso de alzada.
Último enderezo coñecido: r/ Pintor Lorenzo Casanova, nº 4-4º. 03003 Alicante.