1. Entidade adxudicadora.
a) Organismo: Consellería do Mar.
b) Dependencia que tramita o expediente: Servizo de Contratación e Réxime Patrimonial
2. Obxecto do contrato.
a) Tipo: contrato administrativo de servizos.
b) Descrición do obxecto: realización dunha campaña de promoción dos produtos procedentes da pesca e da acuicultura no ano 2018.
c) División por lotes e número: non hai lotes.
d) Prazo de execución: seis meses.
e) Admisión de prórroga: non.
f) CPV: 79341000.
3. Tramitación e procedemento de adxudicación: ordinaria, suxeito a regulación harmonizada e como gasto anticipado.
Criterios de adxudicación: os detallados na alínea A do cadro de criterios do prego de cláusulas administrativas particulares.
4. Orzamento de licitación: 620.000 €, excluído o IVE.
Valor estimado: é igual ao orzamento de licitación.
5. Financiamento: cofinanciado pola Unión Europea- Fondo Europeo Marítimo e de Pesca (eixe/medida 5.1.3-Medidas de comercialización) nun 75 % e con fondos propios da Comunidade Autónoma nun 25 %.
6. Requisitos específicos do contratista.
a) Clasificación: non se exixe. Non obstante, se o licitador xustifica a clasificación no grupo T, subgrupo 1, categoría D ou 4 quedará acreditada a súa solvencia.
b) Solvencia económica e financeira e solvencia técnica e profesional: segundo o especificado na alínea F do cadro de características do contrato.
7. Garantía exixida. Definitiva: 5 % do importe de licitación, excluído o IVE: 31.000 €.
8. Obtención de documentación e información.
a) Entidade: Secretaría Xeral Técnica da Consellería do Mar. Servizo de Contratación e Réxime Patrimonial.
b) Domicilio: Edificio Administrativo, nº 5, 2º andar, Santiago de Compostela.
c) Teléfonos: 981 54 57 44 e 981 54 40 46 (consultas administrativas); 981 54 62 61 (consultas técnicas).
d) Telefax: 981 54 50 03.
e) Enderezo electrónico: licitacion.mar@xunta.gal
f) Data límite de obtención de documentos e información: ata a data límite de presentación das ofertas, todos os días laborables, excepto sábados, das 9.00 ás 14.00 horas.
Tamén se poderán obter os pregos relativos a esta contratación a través da internet no enderezo http://www.contratosdegalicia.es/resultado.jsp?N=238460
9. Presentación das ofertas.
a) Data límite de presentación: 19.2.2018.
b) Documentación que hai que presentar: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Xeral e Información á Cidadanía da Xunta de Galicia (Edificio Administrativo de San Caetano, s/n, 15781 Santiago de Compostela), poderase enviar por correo dentro do prazo de admisión sinalado a este rexistro xeral. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax, fax (981 54 50 03) ou correo electrónico (licitacion.mar@xunta.gal).
d) Prazo en que o licitador estará obrigado a manter a súa oferta: dous (2) meses contados desde a data de apertura das proposicións.
10. Apertura das ofertas.
a) Enderezo: sala de xuntas da Secretaría Xeral Técnica da Consellería do Mar.
b) Localidade e código postal: Santiago de Compostela, 15781.
c) Datas e horas: a apertura dos sobres B terá lugar, en acto público, ás 12.30 horas do día 2 de marzo de 2018. O lugar, a data e a hora de apertura dos sobres C publicarase na páxina web do perfil de contratante, no enderezo indicado no anterior punto 8.f) deste anuncio.
11. Gastos de publicidade: serán por conta do adxudicatario.
12. Data de envío do anuncio ao Diario Oficial de la Unión Europea: 11 de xaneiro de 2018.
Santiago de Compostela, 11 de xaneiro de 2018
A conselleira do Mar
P.D. (Orde do 8.9.2017; DOG núm. 180, do 21 de setembro)
Mª Isabel Concheiro Rodríguez-Segade
Secretaria xeral técnica da Consellería do Mar