De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, e dado que non foi posible practicar a notificación,

DISPOÑO:

1. Notificarlle mediante esta cédula a María Sales Pardo o Acordo do 26 de outubro de 2017 que fixa o prezo xusto do predio número 86, sito en Castro de Rei, relativo ao proxecto 01662 (expediente 2017/000372), cuxos datos se relacionan no anexo.

2. Contra esta resolución, que esgota a vía administrativa, a persoa interesada poderá interpor recurso potestativo de reposición, ante o mesmo órgano que a ditou, no prazo dun mes contado desde o día seguinte ao da notificación ou publicación desta cédula no taboleiro de edictos único (TEU) do Boletín Oficial del Estado (BOE), de acordo co previsto nos artigos 123 e 124 da Lei 39/2015. A persoa interesada poderá tamén interpor directamente o recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da notificación ou publicación desta cédula no TEU do BOE, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interporse ata que sexa resolto o recurso de reposición ou se entenda presuntamente desestimado. O texto íntegro do acordo referido nesta cédula está a disposición do interesado nas dependencias do Xurado de Expropiación de Galicia, con enderezo na rúa Avelino Pousa Antelo, 1, Santiago de Compostela, 15781.

3. A eficacia desta notificación queda supeditada á súa publicación no TEU do BOE.

4. En consecuencia, para que conste e lles sirva de notificación ás persoas expropiadas, expido e asino esta cédula.

Santiago de Compostela, 15 de xaneiro de 2018

Patricia Ulloa Alonso
Presidenta do Xurado de Expropiación de Galicia

ANEXO

Proxecto para o cal se expropia: 01662-LAT 132 kV subestación Ludrio-subestación Meira. Expediente 011/2010. Tm Castro de Rei, Pol e A Pastoriza.

Nº de expediente: 2017/000372.

Persoa a quen se vai a notificar: María Sales Pardo.

Expropiante: Consellería de Economía, Emprego e Industria. Xefatura Territorial de Lugo.

Expropiados: Isabel Pardo Fernández e outros.

Beneficiaria: Viesgo Distribución Eléctrica, S.L.

Predio nº: 86.

Concello: Castro de Rei.

Provincia: Lugo.

Valoración da resolución do Xurado: 12.602,91 €.