Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 29 Venres, 9 de febreiro de 2018 Páx. 9557

VI. Anuncios

b) Administración local

Concello das Pontes de García Rodríguez

ANUNCIO de información pública da modificación puntual das normas subsidiarias no ámbito do poboado das Veigas e do convenio urbanístico con Endesa Generación, S.A.

Anuncio de información pública da modificación puntual das normas subsidiarias no ámbito do poboado das Veigas e do convenio urbanístico subscrito con Endesa Generación, S.A., o día 28 de decembro de 2017, de cesión de terreos.

O Pleno do Concello, na sesión extraordinaria urxente que tivo lugar o día 26 de xaneiro de 2018, aprobou inicialmente o proxecto de modificación puntual das normas subsidiarias do Concello no ámbito do poboado das Veigas (ENCASO), que redactou Jornet-Llop-Pastor, S.L.P., asinado en outubro de 2017 (formato CD), e que se recibiu no Concello o día 24 de outubro de 2017 (RE núm. 6534) e a través da sede electrónica o día 13 de novembro de 2017 (RE sede núm. 941 a 944). No texto que se someta a aprobación provisional incluiranse as precisións contidas no informe do arquitecto do 31 de outubro de 2017, e no informe da Secretaría Municipal do 29 de decembro de 2017. Xuntarase a documentación xustificativa dos custos de mantemento do poboado.

Na mesma sesión plenaria aprobouse inicialmente o convenio urbanístico subscrito con Endesa Generación, S.A., o día 28 de decembro de 2017, para a cesión ao Concello dos equipamentos públicos, vía pública e espazos libres que se identifican no plano O2. Proposta de ordenación coas referencias E1a, E5a, E6a, E9a (equipamentos públicos); V, Va, Vcd (vía); L, La e Lv (espazos libres).

O que se fai público en cumprimento do disposto no artigo 60.6 da Lei 2/2016, do 10 de febreiro, do solo de Galicia, co fin de que, durante o prazo de dous meses contado a partir do día seguinte ao da publicación deste anuncio no Diario Oficial de Galicia, os interesados poidan consultar o expediente, así como o texto do convenio urbanístico, no Departamento de Urbanismo do concello (avenida de Castelao, núm. 36), de luns a venres, das 8.00 ás 14.30 horas, e formular as alegacións que xulguen oportunas.

A documentación sometida a información pública tamén se pode consultar na ligazón:

http://concello.aspontes.org/portal-transparencia/?mdocs-cat=mdocs-cat-36&mdocs-att=CONSULTA%20P%C3%9ABLICA

As Pontes de García Rodríguez, 30 de xaneiro de 2018

O alcalde
P.D. (Decreto 1245/2015, do 2 de xullo)
Antonio Alonso Román
Concelleiro delegado da Área de Facenda, Patrimonio, Urbanismo e Servizos