Aprobado inicialmente por Acordo do Pleno, do 18 de xaneiro, o proxecto de expropiación por taxación conxunta dos bens e dereitos incluídos no ámbito da parcela 1, couzada 28 do Plan especial do núcleo histórico de Corcubión, para a obtención de terreos dotacionais para uso público en solo urbano consolidado, que se tramita neste concello en favor desta última, de conformidade co artigo 118 da Lei 2/2016, do 10 de febreiro, do solo de Galicia, e 201 e seguintes do Regulamento de xestión urbanística, aprobado polo Real decreto 3288/1978, do 25 de agosto, sométese a información pública polo prazo dun mes, contado desde o día seguinte ao de publicación deste anuncio no Diario Oficial de Galicia.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición dos interesados na sede electrónica deste concello.

Corcubión, 24 de xaneiro de 2018

Manuel Insua Insua
Alcalde