Mediante a Resolución do 19 de decembro de 2017, da Universidade de Vigo (DOG do 21 de decembro), publicouse a oferta de emprego público do persoal docente e investigador para 2017, que incluía a taxa adicional prevista no artigo 19.un.6 da Lei 3/2017, do 27 de xuño, de orzamentos xerais do Estado para o ano 2017 (doce prazas).

Non obstante, a Dirección Xeral de Custos de Persoal e Pensións Públicas do Ministerio de Facenda e Función Pública, mediante oficio do 15 de xaneiro de 2018, indica que as doce (12) prazas correspondentes á taxa adicional deben diferenciarse das correspondentes á oferta de emprego público para 2017. En consecuencia, esta reitoría resolve publicar novamente a oferta de emprego público do persoal docente e investigador da Universidade de Vigo para 2017, especificando as prazas correspondentes á taxa adicional prevista no artigo 19.un.6 da Lei 3/2017, do 27 de xuño, de orzamentos xerais do Estado para o ano 2017.

Vigo, 29 de xaneiro de 2018

Salustiano Mato de la Iglesia
Reitor da Universidade de Vigo

ANEXO
Oferta de emprego público do persoal docente e investigador
da Universidade de Vigo

Ano 2017
Persoal docente e investigador contratado doutor

Categoría	Prazas
Profesorado contratado doutor	14*

Persoal docente e investigador dos corpos docentes universitarios

Categoría	Prazas
Profesor/a titular de universidade	17
Profesor/a titular de universidade	3 (reserva do 15 % para persoal investigador doutor que finalizase o Programa Ramón y Cajal e dispoña da certificación I3)
Total de prazas	20*

* Nota: das 34 prazas da OEP 2017, 12 correspóndense á taxa adicional prevista no artigo 19.un.6 da Lei 3/2017, do 27 de xuño, de orzamentos xerais do Estado para o ano 2017.

Quenda de promoción interna

En aplicación do disposto no artigo 62.2 da Lei orgánica 6/2001, do 21 de decembro, de universidades, inclúense na OEP para o ano 2017 as seguintes prazas polo procedemento de promoción interna:

Categoría	Prazas
Catedrático/a de universidade	20