Para os efectos previstos no Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro), e no artigo 36 da Lei 21/2013, do 9 de decembro, de avaliación ambiental (BOE núm. 296, do 11 de decembro) faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposto o documento titulado:
«Autorización ambiental integrada.
Proxecto básico e estudo de impacto ambiental.
Explotación porcina de ceba para 5.984 animales.
Peticionaria: Unimiño, S.C.G.
Localización: Monte Lodoso, Friol (Lugo)».
Para que calquera interesado poida consultalos e, se é o caso, formular no citado prazo as alegacións, suxestións ou observacións que considere oportunas. O documento estará a disposición dos administrados, en horario de atención ao público, nas seguintes dependencias:
– Dirección Xeral de Calidade Ambiental e Cambio Climático-Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais, poderán acceder a esta información na páxina web da Consellería de Medio Ambiente e Ordenación do Territorio http://cmaot.xunta.gal/seccion-tema/c/CMAOT_Prevencion_e_control_de_actividades?content=SX_Calidade_Avaliacion_Ambiental/Autorizacion_ambiental_integrada/seccion.html&ui=SX_Calidade_Avaliacion_Ambiental/Autorizacion_ambiental_integrada/dinamico/listado_ippc_central.html
Santiago de Compostela, 29 de xaneiro de 2018
María Cruz Ferreira Costa
Directora xeral de Calidade Ambiental e Cambio Climático
ANEXO
Memoria resumo
Clave do expediente: 2017-IPPC-I-90.
Peticionaria: Unimiño, S.C.G.
CIF: F32390593.
Domicilio social: lugar Santa Cruz de Arrabaldo, s/n. Oficinas Centrais Coren, 32990 Ourense.
Localización da instalación: Monte Lodoso, 27299 Friol (Lugo). Un punto de localización da explotación porcina é o definido polas coordenadas UTM (FUSO 29, DATUM ETRS89): X: 600531, Y: 4764316.
Actividade: explotación porcina de ceba.
Descrición: o proxecto consiste na construción dunha nave con capacidade para 5.984 porcos de ceba. Nesta explotación implantarase un sistema de xestión e tratamento do xurro xerado consistente no seu almacenamento en depósitos superficiais e o seu tratamento físico mediante un separador sólido-líquido. A fracción sólida almacenarase para a súa maduración e a fracción líquida someterase a un proceso de biodepuración. Ademais, construiranse aseos e vestiarios, un almacén para instalacións e un aparcadoiro para vehículos e instalaranse silos para penso e un valado perimétrico.
Os ciclos de produción comezarán coa entrada nas naves dos leitóns cun peso aproximado de 20 kg e 2 meses de vida, estes serán criados en currais formando grupos de varios individuos onde permanecerán durante aproximadamente 110 días ata que alcancen un peso de 100-110 kg, momento no cal serán retirados da instalación para ser enviados ao matadoiro. Ao finalizar o ciclo procederase á limpeza e desinfección das instalacións.
As fraccións sólida e líquida resultantes do tratamento do xurro serán valorizadas en parcelas agrícolas.
As augas de limpeza da nave de produción e as augas dos aseos e vestiarios serán recollidas nas fosas de xurro e serán xestionadas xunto con este. As augas pluviais verteranse directamente ao terreo.
Inclúese na documentación presentada o grao de implantación das mellores técnicas dispoñibles, atendendo ao recollido na Decisión de execución (UE) 2017/302 da Comisión do 15 de febreiro de 2017 pola que se establecen as conclusións sobre as mellores técnicas dispoñibles (MTD) no marco da Directiva 2010/75/UE do Parlamento Europeo e do Consello respecto á cría intensiva de aves de curral ou de porcos.