Visto o expediente instruído para os efectos de transmisión da batea O.L.I. II e da concesión administrativa que a ampara, resulta:

a) Antecedentes.

Primeiro. Mediante escrito do 2 de febreiro de 2018, José Manuel Vidal Silva e María del Carmen Torrado Muñiz solicitan autorización para transmisión mortis causa mediante pacto de mellora do 95 % da concesión administrativa e da batea O.L.I. II.

Segundo. Os solicitantes presentaron toda a documentación requirida para a tramitación deste tipo de procedementos.

b) Consideracións legais e técnicas.

Primeira. Este órgano é competente para resolver o expediente, de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. A Lei 2/2006, do 14 xuño, de dereito civil de Galicia (DOG núm. 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.

Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administraciones públicas (BOE núm. 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG núm. 126, do 2 de xullo).

Vistas as disposicións citadas, esta consellería resolve:

Autorizar a transmisión mortis causa mediante pacto de mellora do 95 %, a favor de José Manuel Vidal Torrado (76967750-K), da concesión administrativa da batea que se indica a seguir:

Identificación:

Tipo: batea.

Nome: O.L.I. II.

Localización:

Cuadrícula nº: 34.

Polígono: D.

Distrito: Caramiñal (A Coruña).

Especies autorizadas: mexillón (Mytilus galloprovincialis).

Título administrativo habilitante: concesión de actividade.

Orde de outorgamento: 19.6.1978.

Remate da vixencia: 15.12.2019.

Actuais titulares: José Manuel Vidal Silva e María del Carmen Torrado Muñiz (33198255D - 76493357-A) 95 % ganancial, José Manuel Vidal Torrado (76967750-K) 5 % privativo.

Novo titular: José Manuel Vidal Torrado (76967750-K) 100 % privativa.

O novo titular da concesión administrativa queda subrogado nos dereitos e obrigas dos anteriores.

Así mesmo, e de acordo ca Resolución da Consellería do Medio Rural e do Mar, do 2 de decembro de 2014, concede unha axuda (expediente SXPA: PE205B/2013/000028-0) e da Consellería do Mar, do 31 de decembro de 2011, concede outra axuda (expediente SXPA: PE205B/2011/000034-0, o novo titular do ben subvencionado subrógase en todas as obrigas contraídas polo transmitente das axudas concedidas para (equipamento barco auxiliar Fragamar) e non efectuará ningunha modificación fundamental das establecidas no artigo 56 do Regulamento (CE) 1198/2006.

Deberá manter os investimentos obxecto da axuda durante un período de cinco anos nos termos previstos nos artigos 56 do Regulamento (CE) 1198/2006 e nos artigos 5.2.d) da Orde do 13 de xaneiro de 2011 e da Orde do 3 de xuño de 2013 reguladora das axudas.

Dentro dos tres meses seguintes á data da transmisión, remitirá á Dirección Xeral de Pesca, Acuicultura e Innovación Tecnolóxica unha copia do documento público de transmisión no cal se recollan as obrigas en que se subroga desde o momento da publicación no Diario Oficial de Galicia da orde de autorización de transmisión mortis causa desta batea.

Contra a presente resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do mar, ou recurso contencioso-administrativo, ante a xurisdición contencioso-administrativa, que se interporá no prazo de dous meses, contados en ambos casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común nas administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 6 de febreiro de 2018

A conselleira do Mar
P.D. (Orde do 8.9.2017)
Juan Carlos Barreiro González
Xefe territorial da Coruña