Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 42 Mércores, 28 de febreiro de 2018 Páx. 12162

VI. Anuncios

a) Administración autonómica

Consellería de Economía, Emprego e Industria

RESOLUCIÓN do 12 de febreiro de 2018, da Secretaría Xeral de Emprego, pola que se fai público o depósito da modificación dos estatutos do sindicato Casipol.

En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta secretaría xeral se acordou depositar o acordo de modificación dos artigos 1, 2, 8, 9, 12, 14, 18, 19, 28 e 29 dos estatutos do sindicato Casipol.

– Ámbito territorial: Comunidade Autónoma de Galicia.

– Ámbito profesional: poderán ser membros os auxiliares de policía local e os funcionarios de carreira das policías locais e dos corpos de bombeiros de calquera Administración da Comunidade Autónoma de Galicia.

Asinantes: Marcos Otero Sotelo, Rafael Fernández Gil e Roberto Lorenzo Alonso.

Santiago de Compostela, 12 de febreiro de 2018

Covadonga Toca Carús
Secretaria xeral de Emprego