A Xunta de Goberno local, na sesión extraordinaria que tivo lugar o día 1 de febreiro de 2018, aprobou inicialmente o estudo de detalle promovido por parte de Gestión Inmobiliaria Veimag, S.L., no encontro entre a avenida de Ortigueira e a rúa Rectoral. O estudo de detalle redactárono os arquitectos Antonio Ferreiro Romero e Jorge Cebreiro Cabarcos, en decembro de 2017.

O estudo de detalle ten por obxecto o reaxuste de aliñacións na parcela que linda ao norte coa rúa Rectoral e ao leste coa avenida de Ortigueira.

O que se fai público en cumprimento do disposto no artigo 80.2 da Lei 2/2016, do 10 de febreiro, do solo de Galicia, para os efectos de que durante o prazo dun (1) mes, contado a partir do día seguinte ao da publicación deste anuncio no Diario Oficial de Galicia, os interesados poidan consultar o expediente no Departamento de Urbanismo do concello (avenida de Castelao, nº 36), de luns a venres, das 8.00 ás 14.30 horas, e formular as alegacións que xulguen oportunas.

A documentación sometida a información pública tamén se pode consultar no enlace:

http://concello.aspontes.org/portal-transparencia/?mdocs-cat=mdocs-cat-37&mdocs-att=CONSULTA%20P%C3%9ABLICA

As Pontes de García Rodríguez, 2 de febreiro de 2018

O alcalde
P.D. (Decreto 1245/2015, do 2 de xullo)
Antonio Alonso Román
Concelleiro delegado da Área de Facenda, Patrimonio, Urbanismo e Servizos