De conformidade co establecido no artigo 31 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, cando a contía total máxima das subvencións convocadas se distribúa entre distintos créditos orzamentarios, a alteración da dita distribución non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria.
No Diario oficial de Galicia nº 186, do venres 29 de setembro de 2017, publicouse a Orde do 22 de setembro de 2017 pola que se establecen as bases reguladoras e se convoca o procedemento para conceder subvencións destinadas a realizar programas de interese xeral para fins de carácter social con cargo á asignación tributaria do 0,7 % do imposto sobre a renda das persoas físicas.
A dita orde establece no seu artigo 2, no que se recollen os créditos que financian a convocatoria, que estes créditos poderán ser reaxustados na resolución de concesión entre as distintas aplicacións orzamentarias en función da natureza do gasto e da adecuación do contido dos proxectos presentados nas solicitudes ás competencias de cada centro directivo implicado, para o que se realizarán as modificacións oportunas no expediente de gasto, que serán publicadas nos mesmos medios que a convocatoria e, concretamente, no Diario Oficial de Galicia.
En consecuencia, sen superar a contía total máxima destinada ás subvencións destinadas a realizar programas de interese xeral para fins de carácter social con cargo á asignación tributaria do 0,7 % do imposto sobre a renda das persoas físicas, foi necesario modificar a distribución dos créditos orzamentarios destinados ás devanditas subvencións, coa finalidade prevista do seu axuste en función da natureza do gasto e da adecuación do contido dos proxectos presentados ás competencias de cada centro directivo.
Por todo o exposto, e no uso das facultades que me foron conferidas,
RESOLVO:
Procédese á publicación do reaxuste dos créditos orzamentarios destinados ás axudas convocadas ao abeiro da Orde do 22 de setembro de 2017 pola que se establecen as bases reguladoras e se convoca o procedemento para conceder subvencións destinadas a realizar programas de interese xeral para fins de carácter social con cargo á asignación tributaria do 0,7 % do imposto sobre a renda das persoas físicas, como a seguir se indica:
|
Aplicación |
Importe |
|
12.02.312B.481.1 |
903.176,93 € |
|
12.03.313C.481.6 |
4.434.880,36 € |
|
12.04.312E.481.1 |
4.825.500,72 € |
|
12.04.312E.781.1 |
889.421,17 € |
|
12.05.312F.481.0 |
87.553,30 € |
|
12.05.313A.481.0 |
313.251,44 € |
|
Total |
11.453.784,00 € |
Santiago de Compostela, 14 de febreiro de 2018
José Manuel Rey Varela
Conselleiro de Política Social
