De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de intentada a notificación persoal dúas veces sen éxito a través do servizo de Correos, notifícaselle á entidade interesada que se sinala no anexo, a Resolución do 7 de febreiro de 2018, da secretaria xeral técnica da Consellería de Medio Ambiente e Ordenación do Territorio, pola que se resolve a súa solicitude de baixa no Rexistro de Entidades de Carácter Ambiental da Comunidade Autónoma de Galicia.
En cumprimento do artigo 61 da Lei 30/1992, do 26 de novembro, a entidade solicitante poderá comparecer no prazo de dez (10) días hábiles, contados desde o seguinte ao da publicación deste anuncio no Boletín Oficial del Estado, nas oficinas da Secretaría Xeral Técnica da Consellería de Medio Ambiente e Ordenación do Territorio, situadas no Edificio Administrativo San Lázaro, s/n, 15781 Santiago de Compostela, das 9.00 ás 14.00 horas, de luns a venres, para o coñecemento íntegro da mencionada resolución e constancia de tal coñecemento.
Transcorrido o dito prazo sen efectuarse a comparecencia, a notificación entenderase producida desde o día seguinte ao da publicación deste anuncio no Boletín Oficial del Estado.
Contra esta resolución, que non esgota a vía administrativa, poderase interpoñer recurso de alzada ante a conselleira de Medio Ambiente e Ordenación do Territorio no prazo dun mes contado desde o día seguinte ao da súa comparecencia ou da publicación no Boletín Oficial del Estado, de conformidade co previsto no artigo 115 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 9 de marzo de 2018
María Jesús Lorenzana Somoza
Secretaria xeral técnica da Consellería
de Medio Ambiente e Ordenación do Territorio
ANEXO
Expediente: solicitude de baixa nº 3/2016.
Interesada: Asociación para a Defensa do Medioambiente das Comarcas de Arzúa e Terras de Melide.
Acto notificado: resolución.