Considerando que mediante a Resolución do 7 de marzo de 2018 se aprobou o estudo de detalle de edificación no porto de Marín, redactado por Naos04 Arquitectos, S.L.P. en xaneiro de 2018.

En cumprimento do disposto no artigo 194.2 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia (RLSG) (DOG do 9 de novembro), por medio deste anuncio publícase a citada resolución polo prazo dun mes no DOG, no taboleiro de edictos do Concello e nun xornal dos de maior circulación da provincia, para que as persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos.

Tendo en conta que o acto non se publica integramente, indícaselle aos interesados que o expediente completo figura á súa disposición nas dependencias do Servizo de Urbanismo, na casa do concello.

Para que conste e lles sirva de notificación aos interesados en cumprimento do disposto no artigo 44 da Lei 39/2015, do procedemento administrativo común das administracións públicas, do 1 de outubro (BOE do 2 de outubro).

Marín, 8 de marzo de 2018

Mª del Pilar Ramallo Vázquez
Alcaldesa presidenta