De conformidade co artigo 9.3 da Lei 13/2010, do 17 de decembro, de organización e funcionamento da Administración xeral e do sector público autonómico, dáse publicidade á encomenda de xestión da Consellería de Facenda á Fundación Semana Verde de Galicia, que ten as seguintes características:
– Obxecto: a Fundación Semana Verde de Galicia pon á disposición da Dirección Xeral da Función Pública o pavillón número 2 e outros espazos do recinto feiral e infraestruturas como o aparcadoiro e outras prestacións accesorias (vixilancia, limpeza, uso de megafonía…) para realizar a proba correspondente ao primeiro exercicio do proceso selectivo para o ingreso no corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de veterinarios.
– Natureza e alcance da xestión encomendada: esta encomenda ten natureza intersubxectiva ao ter a Fundación Semana Verde de Galicia a consideración de medio propio instrumental da Administración, de conformidade co disposto nos artigos 45 e 47 da Lei 13/2010, do 17 de decembro.
– Orzamento: 22.460,60 €.
– Prazo de execución: 20 de maio de 2018.
Santiago de Compostela, 18 de maio de 2018
O conselleiro de Facenda
P.D. (Orde do 9.1.2012; DOG do 13 de xaneiro)
Mª Socorro Martín Hierro
Secretaria xeral técnica e do Patrimonio da Consellería de Facenda