Aprobada inicialmente a modificación puntual do Plan xeral de ordenación municipal de Dodro para relocalización do solo urbanizable S-01, mediante o Acordo do Pleno do 5 de outubro de 2017, de conformidade co artigo 60.6 da Lei 2/2016, do 10 de febreiro, do solo de Galicia, someteuse a información pública polo prazo de dous meses contados desde o día seguinte ao da súa publicación no Diario Oficial de Galicia.

Estimada polo Pleno da Corporación, o 18 de maio de 2018, a alegación presentada por Justo Cortizo Sóñora, en consideración de tipo formal, na cuestión referida a someter novamente a información pública o documento de aprobación inicial e coa observancia de que durante o prazo de exposición pública o Concello facilite o seu acceso e a información telemática.

De conformidade cos artigos 60.6 da Lei 2/2016, do 10 de febreiro, do solo de Galicia, ábrese un novo período de información pública durante dous meses, contados desde o día seguinte ao da publicación deste anuncio no Diario Oficial de Galicia, e mediante anuncios no Boletín Oficial da provincia, no taboleiro de edictos do Concello e nun xornal dos de maior difusión da provincia.

Durante o dito prazo quedará o expediente, con todos os documentos que integran a modificación puntual do PXOM, incluído o estudo ambiental estratéxico, á disposición de calquera que queira examinalo para que se poidan presentar as alegacións que se consideren pertinentes. Así mesmo, estará á disposición na sede electrónica deste concello.

Quedan suspendidas as licenzas naqueles ámbitos do territorio obxecto da modificación puntual.

A suspensión terá unha duración máxima de dous (2) anos.

Dodro, 21 de maio de 2018

Valentín Alfonsín Somoza
Alcalde