Mediante a Resolución do 14 de outubro de 2014, da Dirección Xeral de Enerxía e Minas da Consellería de Economía e Industria, faise público o Acordo do Consello da Xunta, do 10 de outubro de 2014, polo que se autorizan as instalacións, se aproba o proxecto de execución e se declara a utilidade pública, en concreto, das instalacións do proxecto de referencia, promovido no seu día polo Concello de Mondoñedo e sendo concesionaria do dito parque eólico Norvento Mondoñedo, S.L.

Esta declaración de utilidade pública, de conformidade co disposto no artigo 56 da Lei 24/2013, do 26 de decembro, do sector eléctrico, leva implícita en todo caso a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954 de expropiación forzosa.

Na súa virtude, esta xefatura territorial, en cumprimento do disposto dito artigo 52 da Lei de expropiación forzosa, resolveu convocar os titulares de bens e dereitos afectados cos cales non se chegou a un acordo e que se relacionan no anexo, para que comparezan o vindeiro 28 de xuño nos concellos de Abadín e Mondoñedo, como punto de reunión para levar a cabo o levantamento de actas previas á ocupación, de conformidade co citado artigo.

Todos os interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, e achegarán os documentos acreditativos da súa titularidade e o último recibo da contribución. Poderanse acompañar dos seus peritos e un notario, se o consideran oportuno, con gastos pola súa conta.

Así mesmo, advírteselles a todos os interesados afectados que poderán formular alegacións por escrito nesta xefatura territorial (rolda da Muralla, 70, 27071 Lugo) ata o momento do levantamento das actas previas, para os únicos efectos de rectificar posibles erros na relación de bens e dereitos afectados (artigo 56.2 do Regulamento da Lei de expropiación forzosa).

Desta convocatoria darase traslado a cada interesado mediante a oportuna citación individual, na que se lle sinalará día e hora para o levantamento de actas previas. Esta publicación realízase igualmente, para os efectos que determina o artigo 44 da Lei 39/2015, do 1 de outubro, do procedemento administrativo común das administracións públicas, cando os titulares dos predios propostos sexan descoñecidos ou se ignore o lugar de notificación.

Lugo, 18 de maio de 2018

Pilar Fernández López
Xefa territorial de Lugo

ANEXO

Relación de bens e dereitos

Nº de parcela	Propietario	Parcela		Afeccións
	Nome e apelidos	Ref. catastral	Lugar	Vía ou vía gabia
Concello de Mondoñedo
10	Descoñecido (fiscal da Audiencia Provincial)	291532	Chao da Ferradura	310
40	Alfonso Lorigados Basanta	291557	O Pozo	284
40	Remedios Candia Rivas e outros dous	291557	O Pozo	284
40	José María Candia Cabanas	291557	O Pozo	284
43	Germán Rubiños Díaz	291557	O Pozo	63
Concello de Abadín
60 A	Emilio Otero Paz	505681	A Regalada	486
60 B	Hros. de Emilio Guerra Nieto	504506	Chousa de Riba	388
61	Sara Otero Otero	504675	O Foro	255