Antecedentes:

1. O 7 de decembro de 2007 publicouse, no Diario Oficial de Galicia, a Orde do 27 de novembro de 2007, pola que se regula o uso e xestión da reserva mariña de interese pesqueiro Os Miñarzos, modificada pola Orde do 26 de febreiro de 2009.

2. O 14 de marzo de 2018 publicouse, no Diario Oficial de Galicia, a Resolución do 28 de febreiro de 2018, da Dirección Xeral de Pesca, Acuicultura e Innovación Tecnolóxica, pola que se abría o prazo de presentación de solicitudes (un mes desde a publicación no DOG) para a inscrición de embarcacións no censo da reserva mariña de interese pesqueiro Os Miñarzos.

3. O día 1 de xuño de 2018 publicouse, no Diario Oficial de Galicia, a Resolución do 24 de maio de 2018, da Dirección Xeral de Pesca, Acuicultura e Innovación Tecnolóxica, pola que se aproba o censo provisional de embarcacións autorizadas a faenar na reserva mariña de interese pesqueiro Os Miñarzos. Esta resolución establecía un prazo de 15 días, contados desde o día seguinte ao da súa publicación, para presentar cantas alegacións se considerasen oportunas.

4. Dentro do prazo establecido para a presentación de alegacións á Resolución do 24 de maio de 2018, non se produciu ningún tipo de observación ou alegación a esta.

Consideracións legais e técnicas:

1. O Decreto 87/2007, do 12 de abril, modificado polo Decreto 240/2008, do 2 de outubro, polo que se crea a reserva mariña de interese pesqueiro Os Miñarzos, establece, no seu artigo 7, as condicións de acceso á reserva, determinando que será necesario que as embarcacións estean inscritas nun censo específico para poder realizar as actividades descritas no seu artigo 5.

2. A Resolución do 28 de febreiro de 2018, da Dirección Xeral de Pesca, Acuicultura e Innovación Tecnolóxica, abriu o prazo de presentación de solicitudes (un mes desde a publicación no DOG) para a inscrición de embarcacións no censo da reserva mariña de interese pesqueiro Os Miñarzos, e establecía os requisitos que debían cumprir as embarcacións que solicitasen a súa inscrición no censo.

Así mesmo, establece as condicións que deberán cumprir as embarcacións para desenvolver a actividade pesqueira na reserva mariña de interese pesqueiro Os Miñarzos:

a) Permitir a instalación dun sistema de localización conectado ás baterías principais e de reserva da embarcación, o que impide o seu apagado mentres a embarcación estea operativa (artigo 7.3 da Orde do 27 de novembro de 2007, modificada pola Orde do 26 de febreiro de 2009: «Para facilitar os labores de seguimento e control da actividade pesqueira e/ou marisqueira, os armadores das embarcacións inscritas no censo deberán permitir a instalación de dispositivos de identificación»).

b) Comunicar telefonicamente ou por radio VHF a entrada e saída na Remip Os Miñarzos (artigo 7.1 da Orde do 27 de novembro de 2007: «Todos aqueles que efectúen a actividade pesqueira e/ou marisqueira no ámbito da reserva mariña deben comunicarlle ao persoal asignado á xestión, seguimento e control da reserva a súa entrada na zona da reserva mariña, identificarse convenientemente e notificarlle as capturas no momento de acceder á reserva. Así mesmo, deben notificar a súa saída, o número de artes caladas ou empregadas e as capturas realizadas na zona da reserva. Estas comunicacións deben efectuarse de maneira que lle permitan ao órgano de xestión, seguimento e control, realizar a comprobación dos datos transmitidos»).

c) Comunicación das capturas. Esta información será enviada semanalmente á persoa responsable do seguimento científico a través de estadillos específicos. A información será tratada de xeito confidencial e poderá ser utilizada exclusivamente con fins científicos e de xestión.

3. O día 1 de xuño de 2018 publicouse no Diario Oficial de Galicia a Resolución do 24 de maio de 2018, da Dirección Xeral de Pesca, Acuicultura e Innovación Tecnolóxica, pola que se aproba o censo provisional de embarcacións autorizadas a faenar na reserva mariña de interese pesqueiro Os Miñarzos.

4. A Orde do 27 de novembro de 2007 pola que se regula o uso e xestión da reserva mariña de interese pesqueiro Os Miñarzos, modificada pola Orde do 26 de febreiro de 2009, define no seu artigo 3 o procedemento que se vai seguir para a elaboración do censo de embarcacións autorizadas. O censo definitivo será aprobado por resolución da persoa titular da Consellería do Mar, que se publicará no Diario Oficial de Galicia.

De acordo con todo o anterior,

RESOLVO:

Aprobar o censo definitivo de embarcacións autorizadas para faenar na reserva mariña de interese pesqueiro, que figura como anexo a esta resolución.

Contra esta resolución, que esgota a vía administrativa, poderá interpoñerse, ante a Conselleira do Mar, recurso potestativo de reposición no prazo dun mes contado desde o día seguinte ao da súa publicación no Diario Oficial de Galicia, ou recurso contencioso-administrativo ante a Sala do Contencioso-Administrativo do Tribunal Superior de Xustiza, no prazo de dous meses contados a partir do día seguinte ao da súa publicación.

Santiago de Compostela, 25 de xuño de 2018

Rosa María Quintana Carballo
Conselleira do Mar

ANEXO

Censo definitivo de embarcacións autorizadas para faenar na reserva mariña
de interese pesqueiro Os Miñarzos

	Nome da embarcación	Matrícula e folio	Código	Porto base
1	A Charca	3a-CO-5-3-17	58957	Fisterra
2	Ahí Va	3a-CO-5-1246	50587	Fisterra
3	Ana	3a-VILL-3-9991	53260	Fisterra
4	Ana Sara	3a-FE-3-1-05	26545	Corcubión
5	Aquila Primero	3a-VILL-5-2-99	57913	Fisterra
6	Aquiles Número Dos	3a-CO-6-1-13	27523	Muros
7	Axexo Primero	3a-CO-7-8-92	22869	Noia
8	Ayenka	3a-CO-4-1368	57540	Corcubión
9	Bajeriñas de Nylon	3a-CO-4-4-05	58374	Lira
10	Benigno	3a-CO-5-1931	13501	Lira
11	Bismarck Un	3a-CO-7-3-03	26089	Noia
12	Brinca	3a-VILL-3-9439	52131	Fisterra
13	Calima	3a-CO-7-3-12	27511	Noia
14	Carmen	3a-VILL-1-3403	57400	Fisterra
15	Celso Un	3a-VI-3-5-06	27090	Fisterra
16	Cuatro Hermanos	3a-CO-4-318	11315	Lira
17	Chori	3a-VI-6-1-04	26078	Fisterra
18	Dichoso	3a-CO-6-2-97	23682	Lira
19	Dosil	3a-CO-5-1910	56712	Lira
20	Enrique Primero	3a-CO-2-3840	56419	Noia
21	Eva	3a-VI-4-5539	13560	Lira
22	Faro	3a-VILL-1-4295	20001	Porto do Son
23	Fernando	3a-CO-4-1088	54503	Fisterra
24	Illa Lobeira	3a-CO-5-1-95	23235	Corcubión
25	Isaura Dous	3a-CO-5-2-07	58623	Fisterra
26	Javi	3a-CO-5-2029	56707	Corcubión
27	Juana del Mar	3a-CO-6-3-97	23739	Muros
28	Limanda	3a-CO-7-7-98	24166	Noia
29	Los Pepes Uno	3a-CO-6-1-04	58291	Lira
30	Madre Adriana	3a-CO-5-01-17	27780	Corcubión
31	Madre Amelia	3a-CO-5-4-98	23992	Muros
32	Madre Antonia	3a-FE-3-1909	14239	Muros
33	María	3a-CO-6-2222	55359	Noia
34	Mar-Iván	3a-FE-3-2-91	2230	Muros
35	Maresco Tres	3a-FE-4-4-08	27253	A Guarda
36	Mari Nieves	3a-CO-5-2-95	23139	Lira
37	María Jesús	3a-CO-4-1493	57706	Fisterra
38	María Rosa Dos	3a-CO-6-3-94	23119	Muros
39	Mariñeiro Dos	3a-5-4-91	22144	Fisterra
40	Milena	3a-CO-7-3182	55469	Porto do Son
41	Millans	3a-CO-7-311	55423	Porto do Son
42	Mondelo Dos	3a-CO-6-1-94	22876	Muros
43	Naroa	3a-CO-3-4-05	58405	O Pindo
* 44	Nerviosa Dous	3a-CO-6-2197	8523	Muros
45	Noeta Primero	3a-CO-5-3-01	25098	Corcubión
46	Nueva Giralda	3a-CO-4-5-04	58279	Camelle
47	Nueva Pilar	3a-CO-6-1-91	22145	Lira
48	Nuevo Jormar	3a-CO-7-4-08	27249	Noia
49	Nuevo Montecristo	3a-CO-6-2-00	24768	Muros
50	Nuevo Verte	3a-CO-7-2-00	24552	Noia
51	O Arao	3a-CO-7-2-14	27585	Porto do Son
52	O Cuacho	3a-CO-6-1-05	58293	Lira
53	O Furadiño	3a-CO-5-1-13	27623	Corcubión
54	O Mariñeiro	3a-CO-6-2-91	22283	Lira
55	O Mariñeiro Dous	3a-CO-6-2-99	24527	Muros
56	O Mario	3a-VILL-4-2-00	24785	Fisterra
57	O Seixo	3a-CO-6-2-09	27337	Lira
58	Odala	3a-CO-6-6-05	26596	Fisterra
59	Outeiro	3a-CO-5-2-98	24096	Fisterra
60	Pedras da Area	3a-CO-5-2-96	23389	Lira
61	Pepita Consuelo	3a-CO-4-617	11312	Lira
62	Plaia da Virxe	3a-CO-6-2-04	26471	Muros
63	Porto Alegre	3a-CO-7-3515	55217	Lira
64	Praia do Rostro	3a-CO-2-11-05	26915	Fisterra
65	Punta Caldebarcos	3a-CO-6-1-99	24339	Muros
66	Punta dos Remedios	3a-CO-6-7-05	26539	Lira
67	Reflector	3a-CO-7-4-96	23550	Fisterra
68	Rixote	3a-VILL-3-3-00	24840	Fisterra
69	Ronsel Tres	3a-CO-3-2-06	58506	Lira
70	Salseiro	3a-CO-5-1997	56399	Fisterra
71	Segundo Brisa	3a-CO-5-1-11	58785	Corcubión
72	Segundo San Martín	3a-VILL-3-9184	11444	Laxe
73	Segundo Toro	3a-CO-5-02-92	25612	Corcubión
74	Segundo Víctor	3a-VILL-3-6-97	57758	Fisterra
75	Sirena del Mar	3a-CO-4-1722	57624	Muxía
76	Sonai	3a-VI-3-8-95	23516	Lira
77	Soutelo	3a-VI-4-7-01	25123	Fisterra
78	Tadima	3a-VILL-3-2-06	26792	O Pindo
79	Talieira	3a-CO-5-1970	56406	Fisterra
80	Tina	3a-CO-5-1867	56417	Fisterra
81	Tres Gritos	3a-CO-5-1926	56418	Lira
82	Tres Hermanas	3a-CO-4-872	53572	Lira
83	Tres Hermanos	3a-CO-4-983	57453	Fisterra
84	Tres Hermanos	3a-CO-6-2095	55361	Lira
85	Tricha	3a-VILL-2-4866	57160	Fisterra
86	Tsunami	3a-CO-7-4-07	27007	Noia
87	Viber	3a-CO-6-1-15	58899	Lira
88	Viento y Calma	3a-CO-5-4-92	22461	Fisterra
89	Virxen das Areas	3a-CO-5-4-00	24863	Fisterra
90	Virxe do Carme	3a-CO-5-1-96	23432	Lira
91	Vista	3a-VILL-3-2-99	24346	Noia
92	Ximpron	3a-CO-5-3-98	24094	Corcubión

* A embarcación Nerviosa Dous (3a-CO-6-2197) non poderá faenar na reserva mentres non se comprobe a instalación do Sistema de localización e das medidas estruturais da embarcación.