Para os efectos previstos na Lei 24/2013, do 26 de decembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Endesa Distribución Eléctrica, S.L.U.
Domicilio social: Ribera del Loira, 60, 28401 Madrid.
Denominación: adecuación ao Real decreto 1432/2008 (protección avifauna) das liñas de AT de Endesa Distribución na provincia de Ourense.
Situación: concellos de Rubiá e Viana do Bolo.
Características técnicas:
– LMT San Sebastián-Poblado. Reforma integral da LMT en aéreo DC, a 15 kV, de 353 m de lonxitude con condutor LA 56; ten a súa orixe na subestación San Sebastián e o seu remate no CT do Poblado de San Sebastián, co mesmo trazado que a instalación actual e instalación de 5 novos apoios de celosía con perfís metálicos.
– LMT, 15 kV, San Sebastián-Presa Pías. Reforma mediante substitución ou desprazamento vertical de crucetas, e cambio do illamento e forrado de elementos da LMT.
– LAT, 50 kV, San Sebastián-Porto. Substitución das cadeas de illamento de amarre de porcelana por outras de vidro, con cambio de ferraxes e outros elementos necesarios, mantendo o condutor e os apoios.
– LMT, 33 kV, Cornatel-Quereño. Cambio do illamento nas cadeas de amarre dos apoios e forrado de diversos elementos, así como substitución do apoio nº 133 bis.
– LMT, 33 kV, Quereño-Poblado. Cambio de illamento nas cadeas de amarre e forrado de diversos elementos en 5 apoios da LMT.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1- 4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Ourense, 8 de maio de 2018
Santiago Álvarez González
Xefe territorial de Ourense