Advertidos erros na citada resolución, publicada no Diario Oficial de Galicia número 45, do 5 de marzo de 2018, cómpre efectuar as seguintes correccións:

Na páxina 12636, no artigo 15.4, onde di:

«Non se poderá modificar o máster en que se matriculasen, coa excepción do suposto previsto no artigo 18. 2 desta resolución».

Debe dicir:

«Non se poderá modificar o máster en que se matriculasen, coa excepción do suposto previsto no artigo 19. 2 desta resolución».

Na páxina 12638, no artigo 19.2, onde di:

«As persoas beneficiarias destas bolsas poderán solicitar a modificación da resolución de concesión e cambiar o máster para o cal se lles concedeu a bolsa, sempre que teña o mesmo número de créditos que o concedido e unicamente no caso dos seguintes másteres da Universidade de Santiago de Compostela, que teñen criterios de selección específicos e nos cales a súa admisión e prazo de matrícula na convocatoria ordinaria se pode atrasar ata o mes de setembro: máster en Acuicultura, máster en Investigación Biomédica, máster en Dirección e Xestión Contable e Financeira, máster en Psicoloxía do Traballo e as Organizacións, Psicoloxía Xurídica-Forense e Intervención Social e máster en Tecnoloxías de Análise de Datos Masivos: Big Data».

Debe dicir:

«As persoas beneficiarias destas bolsas poderán solicitar a modificación da resolución de concesión e cambiar o máster para o cal se lles concedeu a bolsa, sempre que teña o mesmo número de créditos que o concedido e unicamente no caso dos seguintes másteres da Universidade de Santiago de Compostela e da Universidade de Vigo, que teñen criterios de selección específicos e nos cales a súa admisión e prazo de matrícula na convocatoria ordinaria se pode atrasar ata o mes de setembro: máster en Acuicultura, máster en Investigación Biomédica, máster en Dirección e Xestión Contable e Financeira, máster en Psicoloxía do Traballo e as Organizacións, Psicoloxía Xurídica-Forense e Intervención Social, máster en Tecnoloxías de Análise de Datos Masivos: Big Data e máster de Dirección de Arte en Publicidade».

Na páxina 12646, no ANEXO I, onde di:

Denominación do máster	Universidade onde se imparte			Número de créditos ECTS
	Universidade da Coruña UDC	Universidade de Santiago de Compostela USC	Universidade de Vigo UVIGO
	Campus	Campus	Campus
Ciencias Sociais e Xurídicas
Socioloxía Aplicada: Investigación Social de Mercados	A Coruña			60

Debe dicir:

Denominación do máster	Universidade onde se imparte			Número de créditos ECTS
	Universidade da Coruña UDC	Universidade de Santiago de Compostela USC	Universidade de Vigo UVIGO
	Campus	Campus	Campus
Ciencias Sociais e Xurídicas
Socioloxía Aplicada: Investigación Social de Mercados	A Coruña			90