De conformidade co previsto no artigo 8.5 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade a unha encomenda de xestión, adoptada polas resolucións do 29 de decembro de 2017 e do 24 de marzo de 2018, para o exercicio 2018, da Axencia Galega de Servizos Sociais, á Empresa de Transformación Agraria, S.A. (Tragsa), coas seguintes características:
1. Actividade: obra de rehabilitación de infraestruturas de educación infantil no marco do programa operativo Feder 2014-2020 (obxectivo temático 10), anticipado de gasto.
2. Natureza e alcance da xestión encomendada: esta encomenda ten natureza intersubxectiva, ao ter Tragsa a consideración de medio instrumental da Administración segundo o disposto na disposición adicional vixésimo cuarta da Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014.
3. Prazo de vixencia: o prazo máximo de execución é de seis (6) meses.
4. Importe e financiamento: o importe total da encomenda ascende a un millón noventa e seis mil cincocentos oitenta e dous euros con setenta e cinco céntimos (1.096.582,75 €, IVE incluído), con cargo á aplicación orzamentaria 12 A1 312B 632.1 dos orzamentos da Axencia Galega de Servizos Sociais para o ano 2018.
Esta proposta está financiada nun máximo dun 80 % polo Fondo Europeo de Desenvolvemento Rexional no marco do programa operativo Feder 2014-2020 (obxectivo temático 10).
Santiago de Compostela, 21 de maio de 2018
O/a director/a da Axencia Galega de Servizos Sociais
P.S. (Disposición transitoria primeira do Decreto 40/2014, do 20 de marzo)
Mª Amparo González Méndez
Directora xeral de Familia, Infancia e Dinamización Demográfica