O Pleno na sesión ordinaria do 7 de xuño de 2018 por unanimidade dos dez concelleiros asistentes á sesión adoptou, entre outros, o seguinte acordo, do que se publica a parte dispositiva:
Primeiro. Aprobar definitivamente o estudo de detalle contido no documento «Estudo de detalle para o reaxuste de alineacións e condicións da edificación de uso residencial intensiva bloque compacto. Situación rda. de Pontevedra, nº 1 (esquina con rúa Melide Di Lugano)». Promotor: José Barreiro Sánchez, DNI 76492110K, data marzo 2016. Doutor arquitecto: Santiago Muñiz Gómez, colegiado 1411 COAG, aprobado inicialmente pola Xunta de Goberno Local na sesión do día 2 de decembro de 2016, para desenvolver as normas subsidiarias de planeamento municipal de Melide, aprobadas definitivamente pola Comisión Provincial de Urbanismo da Coruña, na reunión celebrada o día 7 de abril de 1994 e publicadas no BOP nº 150, do 2 de xullo, quedando extinguida a suspensión de licenzas.
Segundo. Comunicar o acordo de aprobación definitiva á consellería competente en materia de urbanismo á vez que se lle dará traslado dun exemplar en soporte dixital, debidamente dilixenciado, co fin de ser inscrito no Rexistro de Plan Urbanístico de Galicia.
Terceiro. Notificar o presente acordo aos propietarios e demais interesados directamente afectados polo estudo de detalle.
Cuarto. Publicar, no prazo dun mes desde a súa adopción, o acordo de aprobación definitiva no Diario Oficial de Galicia, e o texto dos documentos que integran o estudo de detalle, así como o seu índice de planos, no Boletín Oficial da provincia. No dito anuncio farase constar a remisión da documentación á consellería competente.
Quinto. Facultar a Alcaldía para subscribir e asinar toda clase de documentos e en xeral para todo o relacionado con este asunto.
A remisión da documentación á Consellería de Medio Ambiente e Ordenación do Territorio, Dirección Xeral de Ordenación do Territorio e Urbanismo, realizouse o día 11.7.2018, co número de rexistro de saída 510.
Este anuncio tamén se publica co texto dos documentos que integran o estudo de detalle, así como o seu índice de planos, no Boletín Oficial da provincia e na sede electrónica deste concello (enderezo: https://sede.concellodemelide.org/gl/).
Melide, 11 de xullo de 2018
Dalia García Couso
Alcaldesa