A Xunta de Goberno local, en sesión extraordinaria do 24 de xullo de 2018, acordou aprobar inicialmente o expediente expropiatorio polo procedemento de taxación conxunta para os efectos da obtención dos terreos necesarios para executar a ampliación do sistema xeral viario na rúa Salgueiras en Caión, segundo proxecto expropiatorio redactado para o efecto.
O proxecto de expropiación sométese a información pública durante o prazo dun mes, mediante a inserción de anuncios no Diario Oficial de Galicia e nun xornal dos de maior circulación da provincia, cos documentos sinalados no artigo 118 da Lei 2/2016, do 10 de febreiro, do solo de Galicia, e no artigo 292 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, para que aqueles que poidan resultar interesados formulen as observacións e reclamacións que consideren convenientes, en particular no que atinxe á titularidade ou valoración dos respectivos dereitos.
A Laracha, 31 de xullo de 2018
José Manuel López Varela
Alcalde