En cumprimento do disposto no artigo 82.1 da Lei 2/2016, do 10 de febreiro, do solo de Galicia, e no artigo 199.2 do Decreto 143/2016, do 22 de setembro, polo que se aproba o Regulamento de desenvolvemento da lei anterior, infórmase de que o Pleno municipal, na sesión que tivo lugar o 11 de xullo de 2018, adoptou, entre outros, o seguinte acordo:
«Primeiro. Aprobar definitivamente o estudo de detalle de edificación no Porto de Marín.
Segundo. Publicar o acordo de aprobación definitiva no prazo dun mes no DOG e remitir certificación do acordo plenario de aprobación definitiva do estudo de detalle, así como un exemplar deste en soporte dixital, debidamente dilixenciado pola Secretaría municipal, á Consellería de Medio Ambiente e Ordenación do Territorio, para os efectos da súa inscrición no Rexistro de Planeamento Urbanístico de Galicia, segundo o disposto nos artigos 82.4 e 88.3 da Lei 2/2016, do solo de Galicia, e no artigo 212.2 do Regulamento da citada lei, e segundo o disposto na Orde do 10 de marzo de 2017 pola que se establecen os modelos normalizados de solicitudes para a inscrición de datos no Rexistro de Planeamento Urbanístico de Galicia, para os efectos da entrada en vigor do documento aprobado.
Logo de que conste a inscrición no rexistro, publicarase a normativa no Boletín Oficial da provincia».
O contido íntegro do estudo de detalle aprobado poderase consultar no enderezo electrónico https://sede.concellodemarin.es/index.php?id=120
Contra este acordo, que pon fin á vía administrativa, cabe interpoñer directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia, e artigo 201.1 do Regulamento de desenvolvemento da citada lei) no prazo de dous meses, que se contarán a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme dereito.
Marín, 17 de xullo de 2018
María Ramallo Vázquez
Alcaldesa