DOG 175 do 13/09/2018 - RESOLUCIÓN do 20 de agosto de 2018 pola que se convocan probas selectivas para o ingreso nas distintas escalas de funcionarios desta universidade polo sistema de promoción interna.

IV. Oposicións e concursos

Universidade da Coruña

RESOLUCIÓN do 20 de agosto de 2018 pola que se convocan probas selectivas para o ingreso nas distintas escalas de funcionarios desta universidade polo sistema de promoción interna.

Ao existiren prazas de adscrición indistinta a grupos das diferentes escalas de funcionarios da Universidade da Coruña ocupadas por funcionarios/as do grupo anterior, e co fin de posibilitar a promoción deste persoal aínda que mantendo os seus propios postos de traballo, de acordo coa Lei 2/2015, do 29 de abril, do emprego público de Galicia, así como atender ás necesidades de persoal de administración e servizos en cumprimento da Resolución do 5 de outubro de 2017 pola que se publica a oferta de emprego público do persoal de administración e servizos para o ano 2017 (DOG núm. 198, do 18 de outubro).

Esta xerencia, en uso das atribucións conferidas no artigo 40 dos estatutos desta universidade, aprobados polo Decreto 101/2004, do 13 de maio (DOG do 26 de maio), modificados polo Decreto 194/2007, do 11 de outubro, e en virtude da delegación de competencias operada pola Resolución reitoral do 12 de xaneiro de 2016, resolve convocar probas selectivas para o ingreso nas escalas da Universidade da Coruña que constan nos anexos I, II e III polo sistema de promoción interna, coa indicación do número de prazas, de acordo coas seguintes bases:

Bases da convocatoria

1. Normas xerais.

1.1. A presente convocatoria non xerará prazas vacantes no corpo ou escala de que procedan as persoas aspirantes.

Ás persoas aspirantes que superen o proceso de promoción interna adxudicaráselles destino no mesmo posto que viñan desempeñando con carácter definitivo.

Neste proceso selectivo, e na fase de concurso, considerarase especificamente, entre outros méritos, a valoración da experiencia acreditada polos candidatos que, con carácter laboral fixo, temporal ou interino, desempeñasen funcións análogas.

1.2. Á realización destas probas selectivas seralles de aplicación o Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público; a Lei 2/2015, do 29 de abril, do emprego público de Galicia; o Real decreto 364/1995, do 10 de marzo, polo que se aproba o Regulamento xeral de ingreso do persoal ao servizo da Administración xeral do Estado e de provisión de postos de traballo e promoción profesional dos funcionarios civís da Administración xeral do Estado; o Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna; os estatutos da Universidade da Coruña e o disposto na presente convocatoria.

1.3. Do total de prazas que se convocan, xunto coas da quenda libre desta mesma OEP, reservarase un 7 % para seren cubertas por persoas con discapacidade con grao igual ou superior ao 33 %, do cal o 2 % é para persoas discapacitadas intelectuais e o resto para calquera outro tipo de discapacidade, de acordo co que se establece no artigo 48 da Lei 2/2015, do 29 de abril, do emprego público de Galicia, e no Real decreto lexislativo 1/2013, do 29 de novembro, polo que se aproba o texto refundido da Lei xeral de dereitos das persoas con discapacidade e da súa inclusión social. No suposto de que estas prazas non sexan cubertas, excluiranse das cotas de reserva e pasarán a acumularse ás restantes prazas. Así mesmo, no suposto de que algún aspirante con discapacidade que se presentase pola cota de reserva de persoas con discapacidade supere os exercicios correspondentes, pero non obteña praza e a súa puntuación sexa superior á obtida por outros aspirantes do sistema de acceso xeral, será incluído pola súa orde de puntuación no sistema de acceso xeral.

2. Solicitudes.

2.1. Para tomar parte nestas probas selectivas deberán cubrir a solicitude que figura como anexo A. As solicitudes dirixiranse ao xerente da Universidade da Coruña no prazo de 20 días hábiles, contado a partir do seguinte ao da publicación desta convocatoria no Diario Oficial de Galicia.

Xunto co modelo de solicitude achegarase a seguinte documentación:

a) Fotocopia compulsada do título exixido para acceder ás probas, no caso de que non conste no expediente da persoa interesada e, de ser o caso, a fotocopia validada do Celga ou equivalente correspondente ao grupo que se acceda debidamente homologado polo órgano competente en materia de política lingüística da Xunta de Galicia, de acordo co establecido na Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (Celga), modificada pola Orde do 10 de febreiro de 2014, agás que estea acreditado no seu expediente.

b) As persoas aspirantes que teñan a condición de discapacitadas deberán presentar unha certificación dos órganos competentes en materia de servizos sociais que acredite tal condición e a súa compatibilidade para o desempeño das tarefas e funcións das prazas para as cales fosen seleccionadas, no caso de que non conste no seu expediente.

A presentación das solicitudes farase nos rexistros da Universidade da Coruña ou nas restantes formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.

A non presentación da solicitude en tempo e forma suporá a inadmisión do aspirante.

2.2. As persoas aspirantes que aleguen méritos na fase de concurso deberanos acreditar mediante a presentación dos documentos xustificativos orixinais ou das copias compulsadas no prazo de 5 días hábiles desde a publicación da puntuación do último exercicio da fase de oposición. Os servizos prestados na Universidade da Coruña acreditaranse mediante unha certificación expedida pola Xerencia da Universidade, referida á data de finalización do prazo de presentación de solicitudes.

2.3. Para quedaren exentos/as da realización do primeiro exercicio, os/as aspirantes deberán posuír na data da fin de prazo de presentación de solicitudes o Celga ou equivalente correspondente ao grupo que se acceda debidamente homologado polo órgano competente en materia de política lingüística da Xunta de Galicia, de acordo co establecido na Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (Celga), modificada pola Orde do 10 de febreiro de 2014, agás que estea acreditado no seu expediente.

2.4. A xerencia expedirá, de oficio, unha certificación que acreditará: a antigüidade recoñecida referida á data de remate do prazo de presentación de solicitudes, o grao persoal consolidado e o nivel de complemento de destino do posto que se desempeñe con carácter definitivo na referida data.

2.5. As persoas aspirantes que padezan algunha discapacidade poderán indicalo no recadro correspondente da solicitude e solicitar, se for o caso, as posibles adaptacións de tempos e de medios para realizar os exercicios en que esta adaptación sexa necesaria, xunto coa indicación do tipo de discapacidade: xeral ou intelectual. Quen solicite participar pola cota de reserva de persoas con discapacidade, sexa a xeral sexa a intelectual, unicamente poderá presentarse por esa cota.

2.6. As persoas aspirantes quedan vinculadas aos datos que fagan constar nas súas solicitudes e poden demandar a súa modificación dentro do prazo establecido na base 2.1 para a presentación de solicitudes. Tras transcorrer ese prazo non se admitirá ningunha petición desta natureza, agás causa excepcional sobrevida e xustificada e discrecionalmente apreciada pola Xerencia.

3. Listaxes de persoas admitidas e excluídas.

Tras rematar o prazo de presentación de solicitudes, no prazo dun mes, o xerente da Universidade ditará unha resolución en que declarará aprobadas as listaxes provisionais de persoas aspirantes admitidas e excluídas, que serán publicadas na sede electrónica da UDC, con mención expresa do nome, dos apelidos e, se for o caso, das causas de exclusión.

As persoas aspirantes excluídas disporán dun prazo de dez días hábiles, contado a partir do día seguinte á publicación da referida resolución, para emendar o defecto que motive a exclusión. Tras transcorrer o dito prazo, o xerente ditará resolución en que declarará aprobada a listaxe definitiva de persoas admitidas e excluídas, que será publicada na sede electrónica da UDC, contra a cal as persoas interesadas poderán interpor un recurso contencioso-administrativo ante o Tribunal Superior de Xustiza de Galicia no prazo de dous meses ou un recurso potestativo de reposición ante o reitor no prazo dun mes a partir do día seguinte ao da publicación da resolución.

4. Tribunais cualificadores.

4.1. Os órganos encargados da selección destes procesos selectivos serán 3 tribunais cualificadores, un para cada unha das seguintes escalas:

– Un para a escala técnica superior (subgrupo A1):

• Terá a categoría primeira das recollidas no Decreto 144/2001, do 7 de xuño (DOG do 25 de xuño), modificado polo Decreto 144/2008, do 26 de xuño (DOG do 18 de xullo) e polo Decreto 96/2011, do 5 de maio (DOG do 30 de maio).

– Un para a escala técnica de grado medio (subgrupo A2):

• Terá a categoría segunda das recollidas no Decreto 144/2001, do 7 de xuño (DOG do 25 de xuño), modificado polo Decreto 144/2008, do 26 de xuño (DOG do 18 de xullo) e polo Decreto 96/2011, do 5 de maio (DOG do 30 de maio).

– Un para a escala técnica de especialistas (subgrupo C1),

• Terá a categoría terceira das recollidas no Decreto 144/2001, do 7 de xuño (DOG do 25 de xuño), modificado polo Decreto 144/2008, do 26 de xuño (DOG do 18 de xullo) e polo Decreto 96/2011, do 5 de maio (DOG do 30 de maio).

Correspóndelles aos tribunais a consideración, verificación e apreciación das incidencias que poidan xurdir no desenvolvemento dos exercicios e adoptar ao respecto as decisións que consideren pertinentes.

4.2. A composición dos tribunais cualificadores destas probas será publicada na sede electrónica da UDC cunha antelación de, polo menos, un mes respecto da data de inicio do primeiro exercicio.

4.3. Os tribunais na súa constitución, na súa composición e no seu funcionamento observarán o que dispón o Real decreto 364/1995, o artigo 59 da Lei emprego público de Galicia e o artigo 60 do texto refundido da Lei do Estatuto básico do empregado público.

4.4. Os membros dos tribunais deberán absterse de intervir e notificaranllo ao xerente da Universidade da Coruña cando neles concorra algunha das circunstancias previstas nos artigos 23 e 24 da Lei 40/2015, do 1 de outubro, de réxime xurídico do sector público, ou se realizasen tarefas de preparación de aspirantes a probas selectivas nos cinco anos anteriores á publicación desta convocatoria. O presidente solicitará dos membros do tribunal unha declaración expresa de non estaren incursos nas circunstancias de abstención ou recusación, así como de non teren realizado tarefa de preparación de aspirantes nos cinco anos anteriores.

Así mesmo, as persoas aspirantes poderán recusar os membros dos tribunais cando concorra algunha das circunstancias previstas no parágrafo anterior.

4.5. Logo da convocatoria do presidente, constituirase o correspondente tribunal coa asistencia do presidente e do secretario ou, de ser o caso, de quen os substitúan e da metade, polo menos, dos seus membros. Os respectivos tribunais terán a súa sesión de constitución cunha antelación mínima de dez días antes da realización do primeiro exercicio. Na dita sesión cada tribunal acordará as decisións que lle correspondan no tocante ao correcto desenvolvemento das probas selectivas.

4.6. A partir da súa constitución, os tribunais, para actuar validamente, requirirán a presenza da metade, polo menos, dos seus membros, titulares ou suplentes e, en todo caso, a do secretario e presidente (titulares ou suplentes).

4.7. Os tribunais, de acordo co previsto no Real decreto 2271/2004, do 3 de decembro, polo que se regula o acceso ao emprego público e a provisión de postos de traballo das persoas con discapacidade, adoptarán as medidas oportunas que permitan aos aspirantes con discapacidade que así o indicasen na solicitude poder participar nas probas do proceso selectivo en igualdade de condicións que o resto de participantes.

4.8. Os tribunais non poderán propor o acceso á nova escala ou subescala dun número superior de persoas aprobadas ao de prazas convocadas; malia o anterior, e co fin de asegurar a cobertura das prazas convocadas, cando se produzan renuncias das persoas seleccionadas antes da toma de posesión, ou non acrediten os requisitos establecidos na convocatoria, o órgano convocante poderá requirir do órgano de selección unha relación complementaria das persoas aprobadas que sigan ás persoas propostas para o seu posible nomeamento como persoal funcionario de carreira.

4.9. Os tribunais poderán dispor a incorporación aos seus traballos de asesores especialistas no número que se xulgue necesario.

4.10. Para os efectos de comunicacións e demais incidencias, o tribunal terá a súa sede na Reitoría da Universidade da Coruña.

5. Calendario das probas.

5.1. O lugar e a data do primeiro exercicio publicarase na resolución que aprobe as listaxes definitivas de persoas aspirantes admitidas e excluídas. O primeiro dos exercicios non terá lugar antes de seis meses desde a publicación desta convocatoria.

5.2. A publicación dos sucesivos anuncios de realización dos restantes exercicios será efectuada polo tribunal na sede electrónica e por calquera outro medio que se xulgue conveniente para facilitar a súa máxima divulgación, con vinte e catro horas, polo menos, de antelación á sinalada para o seu inicio.

A duración máxima das probas selectivas será dun ano desde a data de publicación da presente convocatoria.

5.3. A orde de actuación dos opositores iniciarase alfabeticamente por aqueles cuxo primeiro apelido comece pola letra G, de conformidade coa resolución da Consellería de Facenda do 17 de xaneiro de 2018 pola que se fai público o resultado do sorteo a que se refire o Regulamento de selección de persoal de administración da Comunidade Autónoma de Galicia.

5.4. As persoas aspirantes serán convocados para realizar as probas selectivas nun único chamamento e deberán ir provistas de DNI ou acreditación equivalente; aquelas que non comparezan serán excluídas do proceso de provisión, agás nos casos de forza maior, debidamente xustificados e libremente considerados polo tribunal.

6. Listaxes de persoas aprobadas.

6.1. Concluído cada un dos exercicios da fase de oposición, o tribunal cualificador publicará na sede electrónica da Universidade da Coruña, así como naqueles outros lugares que considere oportuno, a relación das persoas aspirantes que o superaron, con indicación da puntuación que obtiveron en cada unha das probas.

6.2. O tribunal publicará a valoración dos méritos da fase de concurso unha vez realizado o último exercicio da fase de oposición.

6.3. A cualificación final realizarase de acordo co previsto nos anexos da presente convocatoria.

6.4. O tribunal publicará a relación das persoas aspirantes que superaron as probas selectivas, constituída por aquelas que, en número non superior ao das prazas convocadas, obtivesen a maior puntuación nelas.

6.5. Unha vez que finalizou o proceso selectivo, o tribunal remitiralle ao xerente a relación de persoas aspirantes aprobadas por orde de puntuación, en que constarán as cualificacións que se obtiveron nos exercicios da fase de oposición e na fase de concurso.

7. Nomeamento de funcionarios/as e toma de posesión.

7.1. Unha vez que as persoas aspirantes que superaron as probas selectivas cumpran debidamente cos trámites de presentación de documentos, serán nomeadas funcionarios/as da escala correspondente, mediante resolución do xerente, que se publicará no Diario Oficial de Galicia.

7.2. Dadas as peculiaridades deste proceso de promoción interna, exclúese nel a adxudicación de destino de acordo coa orde de puntuación que se obtivo no proceso selectivo e adscribiranse as persoas aspirantes ao mesmo posto que veñan desempeñando como titulares.

7.3. A toma de posesión das persoas aspirantes aprobadas efectuarase no prazo dun mes, contado desde a data de publicación do seu nomeamento no DOG.

8. Embarazo de risco ou parto.

Se algunha das aspirantes non puidese completar o proceso selectivo por causa de embarazo de risco ou parto, debidamente acreditados, a súa situación quedará condicionada á finalización deste e á superación das fases que queden aprazadas, sen que se poidan aprazar estas de xeito que se menoscabe o dereito do resto dos aspirantes a unha resolución do proceso axustada a tempos razoables, o cal deberá ser valorado polo tribunal cualificador e, en todo caso, a realización destas terá lugar antes da publicación da listaxe de aspirantes que superaran o proceso selectivo.

9. Norma derradeira.

Contra a presente resolución, que esgota a vía administrativa, poderase interpor un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderase interpor un recurso de reposición ante esta reitoría, no prazo dun mes, de acordo co establecido no artigo 123 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 20 de agosto de 2018

O reitor da Universidade da Coruña
P.D. (Resolución do 12.1.2016)
Ramón del Valle López
Xerente da Universidade da Coruña

ANEXO 1

Normas específicas da convocatoria de probas selectivas para o ingreso na escala técnica superior, subescalas do subgrupo A1 da Universidade da Coruña (UDC)

1. Convócanse probas selectivas para cubrir, pola quenda de promoción interna e mediante o sistema de concurso-oposición, as seguintes prazas da escala técnica superior, subescalas do subgrupo A1 da UDC seguintes:

Escala técnica superior
Subescala	Subgrupo	Nº de prazas	Sistema xeral	Persoas con discapacidade		Requisito 2.1.a)
Subescala	Subgrupo	Nº de prazas	Sistema xeral	xeral	intelectual	Requisito 2.1.a)
Arquitecto técnico*	A1	2	2	0	0	Escala técnica de grao medio, subescala de arquitecto técnico, subgrupo A2
Informática	A1	11	11	0	0	Escala técnica de grao medio, subescala informática, subgrupo A2
Documentalista	A1	1	1	0	0	Escala técnica de grao medio, subescala documentalista, subgrupo A2
Superior (prevención de riscos)	A1	2	2	0	0	Escala técnica de grao medio, subescala superior (prevención de riscos), subgrupo A2
Secretario técnico	A1	1	1	0	0	Escala técnica de grao medio, subescala secretario técnico (SIC), subgrupo A2

2. Requisitos das persoas candidatas.

2.1. Para seren admitidas na realización destas probas selectivas, as persoas aspirantes deberán posuír, no día de finalización do prazo de presentación de solicitudes e manter ata o momento da toma de posesión como funcionario/a de carreira os seguintes requisitos:

a) Ser funcionario/a de carreira do corpo ou da escala técnica de grao medio, nas subescalas e subgrupos indicados na táboa do punto 1 destas normas (requisito 2.1.a) e, na data desta convocatoria, estar prestando servizos na Universidade da Coruña e encontrarse nalgunha das seguintes situacións administrativas do persoal funcionario de carreira: servizo activo, servizos especiais, excedencia por coidado de familiares ou excedencia por razón de violencia de xénero. Así mesmo, posuír unha antigüidade de, polo menos, dous anos no dito corpo ou escala e subescala, e non exceder, de ser o caso, a idade máxima de xubilación.

b) Estar en posesión do título de doutor, de licenciado, de grao, de arquitecto, de enxeñeiro ou equivalente, ou estar en condicións de obtelo na data en que remate o prazo de presentación das solicitudes.

* Arquitecto técnico: estar en posesión do título de grao en arquitecto técnico ou estar en condicións de obtelo na data en que remate o prazo de presentación das solicitudes.

3. Procedemento de selección.

O procedemento de selección será o de concurso-oposición, que consta das seguintes fases:

3.1. Fase de oposición (100 puntos máx.)

A fase de oposición constará dos seguintes exercicios:

3.1.1. Primeiro exercicio, de carácter eliminatorio: proba escrita de lingua galega, para aqueles/as aspirantes que non acrediten posuír, na data de finalización de prazo de presentación de instancias, o Celga 4 ou equivalente debidamente homologado polo órgano competente en materia de política lingüística da Xunta de Galicia, de acordo coa Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (Celga), modificada pola Orde do 10 de febreiro de 2014, e que consistirá na realización dunha proba na cal se comprobará que posúen o nivel de Celga 4 de comprensión oral e escrita da lingua galega, en especial da linguaxe administrativa, dado que é a súa área profesional. Cualificarase de apto ou non apto.

3.1.2. Segundo exercicio de carácter eliminatorio: consistirá en contestar un cuestionario tipo test constituído por 125 preguntas (máis 6 de reserva, que só se corrixirán no caso de anulación dalgunha pregunta), con catro respostas alternativas, das cales só unha delas é a correcta; o cuestionario estará baseado no temario completo do programa que, para cada subescala, figura no anexo correspondente desta convocatoria. Todas as preguntas terán a mesma puntuación e non puntuarán negativamente as respostas incorrectas.

O tempo máximo de realización deste exercicio será de 120 minutos.

A puntuación será de 0 a 50 puntos e será necesario para aprobar obter un mínimo de 25 puntos.

3.1.3. Terceiro exercicio de carácter eliminatorio: consistirá en resolver por escrito dous supostos prácticos para elixir de entre catro propostos polo tribunal baseados no temario específico do programa que, para cada subescala, figura no anexo correspondente desta convocatoria.

O tempo máximo de realización deste exercicio será de 240 minutos.

A puntuación será de 0 a 50 puntos e será necesario obter un mínimo de 25 puntos en total para poder superar o exercicio, cun mínimo de 10 puntos en cada un dos supostos.

3.2. Fase de concurso (40 puntos máx.)

Para as persoas aspirantes que superen a fase de oposición, a valoración de méritos farase da seguinte forma:

3.2.1. A antigüidade na Administración pública, referida ao día de remate do prazo de presentación de solicitudes, valorarase ata un máximo de 16 puntos, a razón de:

– 0,8 puntos por ano (0,0666 por mes completo) de servizos prestados como funcionario/a de carreira, ou funcionario/a interino/a, contratado/a laboral fixo ou contratado/a laboral temporal.

– 0,4 puntos por ano (0,0333 por mes completo) polos restantes servizos efectivos recoñecidos ao abeiro da Lei 70/1978, do 26 de decembro.

Non se computarán os servizos que se prestasen simultaneamente con outros igualmente alegados.

3.2.2. Grao persoal consolidado e nivel de complemento de destino: ata 18 puntos.

a) Grao persoal consolidado e formalizado: outorgarase a seguinte puntuación segundo o grao persoal que se teña consolidado e formalizado a través do recoñecemento do grao pola autoridade competente o día do remate do prazo de presentación de solicitudes:

Grao	Puntos
28	8
27	7,5
26	7
25	6,5
24	6
23	5,5
22	5
21	4,5
20	4
19	3,5
18	3

b) Nivel de complemento de destino, correspondente ao posto de destino definitivo que teña adxudicado a/o funcionaria/o o día de remate do prazo de presentación de solicitudes. Cualificarase do seguinte xeito:

Nivel	Puntos
28	10
27	9,5
26	9
25	8,5
24	8
22	7,5
21	7
20	6,5
19	6
18	5,5

3.2.3. Cursos: valorarase ata un máximo de 5 puntos. Os cursos alegados terán como data límite para a súa finalización o día de remate do prazo de presentación de solicitudes.

Cursos de formación xeral e específica (máximo 4 puntos).

Nesta subepígrafe valoraranse os cursos convocados, impartidos e/ou recibidos, ou homologados por:

– Institutos ou escolas de Administración pública.

– Universidades.

– Servizos públicos de emprego.

– Organizacións sindicais.

– Mutuas de traballo e servizos de prevención.

– Impartidos no marco do Acordo de formación dos empregados públicos.

Que versen sobre formación administrativa xeral, así como os cursos de formación e de perfeccionamento que versen sobre materias directamente relacionadas coas funcións propias dos postos de traballo e os cursos de formación de idiomas da Unión Europea.

Os cursos impartidos sempre se valorarán como se fosen de aproveitamento ou aptitude. A valoración dos cursos farase de acordo cos seguintes criterios:

– Cursos recibidos de aptitude e cursos impartidos: 0,02 puntos/hora.

– Cursos de asistencia: 0,01 puntos/hora.

Cando no certificado non conste o número de horas, considerarase que a duración do curso é de 10 horas.

Cursos de lingua galega:

– Curso de linguaxe administrativa nivel medio: 0,75 puntos.

– Curso de linguaxe administrativa nivel superior: 0,95 puntos.

– Celga 5: 1 punto.

En todos os casos se valorarán unha soa vez os cursos relativos a unha mesma materia, aínda que se repetise a súa participación e unicamente o de nivel superior ou avanzado.

Non se valorará:

– A asistencia a congresos, xornadas, seminarios, simposios e similares.

– As materias (créditos) que formen parte dunha titulación académica.

– Os cursos de doutoramento.

– Os módulos ou partes integrantes dun curso.

– Os cursos que formen parte dos procesos de selección de funcionarios.

3.2.4. Exercicio de dereitos de conciliación nos cinco anos anteriores á data de publicación desta convocatoria no DOG, ata o máximo de 1 punto:

– Licenza por maternidade: 0,2 puntos/licenza.

– Permiso de paternidade: 0,2 puntos/permiso.

– Redución de xornada do artigo 106.2.a) e b) da Lei de emprego público de Galicia: 0,2 puntos. Para estes efectos, só se computará unha redución por ano.

– Excedencia para o coidado de fillos/as e familiares: 0,04 puntos/mes.

4. Puntuación do proceso selectivo.

A puntuación da fase de oposición estará determinada pola suma das puntuacións que se obtiveron nos distintos exercicios. A puntuación do proceso selectivo estará determinada pola suma da fase de oposición e mais os méritos da fase de concurso, sempre que os/as aspirantes superasen a fase de oposición.

No caso de empate a preferencia corresponderá á puntuación que se obtivo no último exercicio de carácter eliminatorio e, de persistir este, a preferencia será para a persoa candidata que teña maior antigüidade no corpo ou na escala a que pertenza na data de remate do prazo de presentación de solicitudes.

ANEXO 1.1

Escala técnica superior. Subescala arquitecto técnico. Subgrupo A1

Temario xeral:

1. Lei 6/2013, do 13 de xuño, do Sistema universitario de Galicia. Título I: Da ordenación do Sistema universitario de Galicia e título II: Da coordinación e a colaboración.

2. Lei 2/2015, do 29 de abril, do emprego público de Galicia. Títulos do I ao IX.

3. Lei 53/1984, do 26 de decembro, de incompatibilidades do persoal ao servizo das administracións públicas.

4. Lei 39/2015, do 1 de outubro, do procedemento administrativo común das administracións públicas. Título preliminar; título I: Dos interesados no procedemento; título II: Da actividade das administracións públicas; título III: Dos actos administrativos; e título V: Da revisión dos actos en vía administrativa.

5. Lei 40/2015, do 1 outubro, de réxime xurídico do sector público. Título preliminar: capítulo II: Dos órganos das administracións públicas (excepto a subsección 2ª da sección 3ª); capítulo III: Principios da potestade sancionadora; capítulo IV: (só a sección 2ª); e capítulo V: Funcionamento electrónico do sector público.

6. Regulamento da UE 2016/679, do 27 de abril, relativo á protección das persoas físicas no que respecta ao tratamento de datos persoais e á libre circulación destes datos. Capítulo I: Disposicións xerais. Capítulo II: Principios, Capítulo III: Dereitos dos interesados, capítulo VIII: Recursos, responsabilidade e sancións.

7. Decreto lexislativo 2/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade. Título preliminar; título II: caps. I, II, IV e V; e título IV: caps. I e II.

8. O Plan de normalización lingüística da UDC. Regulamento de usos da lingua galega na Universidade da Coruña.

9. Lei 1/2016, do 18 de xaneiro, de transparencia e bo goberno.

10. Tratado da Unión Europea, título III: Disposicións sobre as institucións.

11. Tratado de funcionamento da Unión Europea: sexta parte. Título I: Disposicións institucionais: cap. II sección 1ª: Actos xurídicos da Unión.

12. Lei 31/1995, do 8 de novembro, de prevención de riscos laborais. Artigos 2, 4, 14, 15, 29.

13. Real decreto lexislativo 8/2015, do 30 de outubro, polo que se aproba o texto refundido da Lei xeral da seguridade social. Artigo 156: Concepto de accidente de traballo e artigo 157: Concepto de enfermidade profesional.

14. Normativa da UDC en materia de pantallas de visualización de datos.

15. Plan de actuación en caso de emerxencias:

• Proceso de evacuación dun centro.

• Emerxencia por ameaza de bomba/paquete sospeitoso.

Nota: debe entenderse que este temario se pode ver afectado polas modificacións normativas e lexislativas que puideren producirse ata a data de fin de presentación de solicitudes.

Temario específico:

Bloque I. Lexislación específica.

16. A execución do planeamento urbanístico segundo a Lei 2/2016, do solo de Galicia, título IV, capítulos: III, IV e VI.

17. Competencias e organización administrativa no urbanismo da Comunidade Autónoma de Galicia, segundo a Lei 2/2016, do solo de Galicia, título preliminar, capítulo II.

18. Sistemas de actuación urbanística: sistema de cooperación, sistema de expropiación, sistema de concerto, sistema de compensación, segundo a Lei 2/2016, do solo de Galicia, título IV, capítulo VI.

19. Procedemento aberto, procedemento restrinxido e procedementos con negociación para adxudicación de contratos das administracións públicas, segundo a Lei 9/2017, do 8 de novembro, de contratos do sector público, libro segundo, título I.

20. Contratos do sector público: delimitación dos tipos contractuais. Contratos suxeitos a unha regulación harmonizada. Contratos administrativos e contratos privados. Segundo a Lei 9/2017, de contratos do sector público, título preliminar.

Bloque II. O proxecto e a obra de construción.

21. Código técnico da edificación. Parte 1: Disposicións xerais e exixencias básicas.

22. Accesibilidade arquitectónica na edificación. Código técnico da edificación. Documento básico DB-SUA9. Accesibilidade DB-SUA1: seguridade fronte ao risco de caídas.

23. Código técnico da edificación. Documento básico de seguridade en caso de incendio DB-SI1: propagación interior.

24. Exixencias técnicas e administrativas da edificación segundo o capítulo II de la Lei 38/1999, do 5 de novembro, de ordenación da edificación. (Requisitos básicos da edificación. Proxecto. Licenzas e autorizacións administrativas. Recepción da obra. Documentación da obra executada)

25. Os axentes da edificación segundo o capítulo III da Lei 38/1999, do 5 de novembro, de ordenación da edificación. (Concepto. O promotor. O proxectista. O construtor. O director de obra. O director da execución da obra. As entidades e os laboratorios de control de calidade da edificación. Os subministradores de produtos. Os propietarios e os usuarios).

26. O proxecto de arquitectura. Contidos e fases. Contidos do proxecto de arquitectura segundo a parte I do Código técnico da edificación.

27. Proxectos de urbanización. Proxecto e deseño do espazo público e do viario. A súa aplicación nos ámbitos universitarios.

28. O seguimento da obra. Documentación segundo a parte I do Código técnico da edificación. O libro de ordes e visitas. Os documentos de inicio, seguimento e peche de obra: acta de implantación. Acta de recepción. Certificación final de obra. As actas de recepción parcial.

29. Contido das inspeccións técnicas dos edificios e os seus informes desfavorables, segundo a Ordenanza de conservación e rehabilitación do Concello da Coruña.

30. O contrato de obras. Actuacións preparatorias dos contratos de obras: proxecto de obras. Clasificación das obras. Contido dos proxectos e responsabilidade derivada da súa elaboración. Presentación do proxecto polo empresario. Supervisión de proxectos. Implantación do proxecto. Execución do contrato de obras: Comprobación da implantación. Execución das obras e responsabilidade do contratista. Forza maior. Certificacións y aboamentos á conta. Obras a tanto global e obras con prezo cerrado. Modificación do contrato de obras. Cumprimento e resolución dos contratos de obras: recepción e prazo de garantía. Responsabilidade por vicios ocultos. Causas de resolución. Efectos da resolución. Segundo a Lei 9/2017 de contratos do sector público, libro segundo, título II.

Bloque III. Instalacións dos edificios. Valoracións.

31. Regulamento de instalacións de protección contra incendios. Real decreto 513/2017, do 22 de maio: capítulo IV: Instalación, posta en servizo e mantemento de instalacións de protección contra incendios. Capítulo V: Inspeccións periódicas de Instalacións de protección contra incendios.

32. Protección activa contra incendios: sistemas de detección e de alarma de incendios, sistemas de abastecemento de auga contra incendios, sistemas de hidrantes contra incendios, segundo o anexo I do Real decreto 513/2017 polo que se aproba o Regulamento de instalacións de protección contra incendios.

33. Protección activa contra incendios: extintores de incendio, sistemas de bocas de incendio equipadas, sistemas de columna seca, segundo o anexo I do Real decreto 513/2017 polo que se aproba o Regulamento de instalacións de protección contra incendios.

34. Protección activa contra incendios: sistemas fixos de extinción por esparexedores automáticos e auga pulverizada, sistemas fixos de extinción por auga nebulizada, segundo o anexo I do Real decreto 513/2017 polo que se aproba o Regulamento de instalacións de protección contra incendios.

35. Real decreto 842/2002, do 2 de agosto, polo que se aproba o Regulamento electrotécnico para baixa tensión: instalación eléctrica. Clasificación das tensións, frecuencia das redes. Tipos de subministracións. Execución e posta en servizo das instalacións. ITC-BT-28.- Instalacións en locais de pública concorrencia.

36. A certificación enerxética dos edificios. Real decreto 235/2013, do 5 de abril, polo que se aproba o procedemento básico para a certificación de eficiencia enerxética dos edificios: capítulo II: Condicións técnicas e administrativas, capítulo III: Etiqueta de eficiencia enerxética.

37. Lei 32/2006, do 18 de outubro, reguladora da subcontratación no sector da construción.

38. O libro de subcontratación segundo o capítulo IV e o anexo III do Real decreto 1109/2007, do 24 de agosto, polo que se desenvolve a Lei 32/2006, do 18 de outubro, reguladora da subcontratación no sector da construción.

39. Valoracións inmobiliarias: o método do custo, segundo o capítulo I/título II da Orde ECO/805/2003.

40. Taxacións inmobiliarias: principios da taxación, segundo o título I de la Orde ECO/805/2003.

Bloque IV. A seguridade e a saúde nas obras de construción. Accesibilidade.

41. Condicións dos lugares de traballo. O Real decreto 486/1997, do 14 de abril, de disposicións mínimas de seguridade e saúde nos lugares de traballo: anexo I, Condicións xerais de seguridade nos lugares de traballo. Anexo II: Orde, limpeza e mantemento. Anexo III: Condicións ambientais dos lugares de traballo.

42. Real decreto 486/1997, do 14 de abril, de disposicións mínimas de seguridade e saúde nos lugares de traballo: anexo IV: Iluminación dos lugares de traballo, anexo V: Servizos hixiénicos e lugares de descanso. Anexo VI: Material e locais de primeiros auxilios.

43. Real decreto 1627/1997, do 24 de outubro, de disposicións mínimas de seguridade e saúde nas obras de construción e as súas modificacións: disposicións específicas durante as fases de proxecto e dirección de obra.

44. A seguridade e a saúde na construción. Anexos I a IV do Real decreto 1627/1997, do 24 de outubro, de disposicións mínimas de seguridade e saúde nas obras de construción.

45. Real decreto 485/1997, do 14 de abril, sobre disposicións mínimas en materia de sinalización de seguridade e saúde no traballo.

46. Real decreto 773/1997, do 30 de maio, sobre disposicións mínimas de seguridade e saúde relativas á utilización polos/as traballadores/as de equipos de protección individual: Criterios para o emprego dos equipos de protección individual. Condicións que deben reunir os equipos de protección individual. Elección dos equipos de protección individual. Utilización e mantemento dos equipos de protección individual. Obrigas en materia de información e formación. Consulta e participación dos/as traballadores/as. Obrigas dos/as traballadores/as.

47. O Plan de autoprotección segundo a Norma básica de autoprotección dos centros, establecementos e dependencias, dedicados a actividades que poidan dar orixe a situacións de emerxencia, aprobada polo Real decreto 393/2007, do 23 de marzo.

48. A Lei 10/2014, do 3 de decembro, de accesibilidade na Comunidade Autónoma de Galicia: título I, capítulo I, Disposicións sobre as condicións de accesibilidade para o acceso e a utilización dos espazos públicos urbanizados, capítulo II, Disposicións sobre accesibilidade na edificación.

49. O Decreto 35/2000, do 28 de xaneiro, polo que se aproba o Regulamento de desenvolvemento e execución da Lei de accesibilidade e supresión de barreiras na Comunidade Autónoma de Galicia: título I.

Bloque V. Construción. Calidade. Ambiente.

50. As cimentacións dos edificios: superficiais e profundas. Tipoloxías frecuentes.

51. Patoloxía edificatoria: reparación de gretas e fisuras en estruturas de formigón. Tipoloxías frecuentes.

52. Patoloxía edificatoria: reforzo de forxados e lousas de formigón armado. Tipoloxías frecuentes.

53. A carpintaría de taller na edificación. Tipoloxías frecuentes, materiais.

54. Drenaxe dos edificios. Tipoloxías frecuentes.

55. Cubertas dos edificios. Tipoloxías e solucións construtivas frecuentes.

56. O mantemento dos espazos públicos axardinados. Aplicación no ámbito universitario.

57. O Decreto 232/1993, do 30 de setembro. Control de calidade da edificación na Comunidade Autónoma de Galicia.

58. O control de calidade nas obras, condicións técnicas e administrativas, segundo o Código técnico da edificación, parte I.

59. Norma UNE-EN ISO 9001:2015 Sistemas de xestión da calidade. Requisitos e norma UNE-EN ISO 9002:2017 Sistemas de xestión da calidade. Directrices para a aplicación da norma: Avaliación do desempeño e mellora da calidade.

60. Obrigas do produtor de residuos de construción e demolición. Obrigas do posuidor. Segundo o Real decreto 105/2008, do 1 de febreiro, polo que se regula a produción e xestión dos residuos de construción.

ANEXO 1.2

Escala técnica superior. Subescala informática. Subgrupo A1

Temario xeral:

1. Lei 6/2013, do 13 de xuño, do Sistema universitario de Galicia. Título I: Da ordenación do Sistema universitario de Galicia e título II: Da coordinación e a colaboración.

2. Lei 2/2015, do 29 de abril, do emprego público de Galicia. Títulos do I ao IX.

3. Lei 53/1984, do 26 de decembro, de incompatibilidades do persoal ao servizo das administracións públicas.

5. Lei 40/2015, do 1 outubro, de réxime xurídico do sector público. Título preliminar: capítulo II: Dos órganos das administracións públicas (excepto a subsección 2ª da sección 3ª); capítulo III: Principios da potestade sancionadora; capítulo IV (só a sección 2ª); e capítulo V: Funcionamento electrónico do sector público.

6. Regulamento da UE 2016/679, do 27 de abril, relativo á protección das persoas físicas no que respecta ao tratamento de datos persoais e á libre circulación destes datos. Capítulo I: Disposicións xerais. Capítulo II: Principios, Capítulo III: Dereitos dos interesados, Capítulo VIII: Recursos, responsabilidade e sancións.

8. O Plan de normalización lingüística da UDC. Regulamento de usos da lingua galega na Universidade da Coruña.

9. Lei 1/2016, do 18 de xaneiro, de transparencia e bo goberno.

10. Tratado da Unión Europea, título III: Disposicións sobre as institucións.

11. Tratado de funcionamento da Unión Europea: sexta parte. Título I: Disposicións institucionais: cap. II sección 1ª: Actos xurídicos da Unión.

12. Lei 31/1995, do 8 de novembro, de prevención de riscos laborais. Artigos 2, 4, 14, 15, 29.

14. Normativa da UDC en materia de pantallas de visualización de datos.

15. Plan de actuación en caso de emerxencias:

a) Proceso de evacuación dun centro.

b) Emerxencia por ameaza de bomba/paquete sospeitoso.

Nota: debe entenderse que este temario se pode ver afectado polas modificacións normativas e lexislativas que puideren producirse ata a data de fin de presentación de solicitudes.

Temario específico:

Bloque I: Aspectos legais.

16. Lei 9/2017, de contratos do sector público. Título preliminar: capítulo II: Contratos do sector público: Sección 1ª: Delimitación dos tipos contractuais. Sección 2ª: Contratos suxeitos a unha regulación harmonizada. Sección 3ª: Contratos administrativos e contratos privados. Libro primeiro: artigo 62: O responsable do contrato. Libro segundo: artigos 116-120. O expediente de contratación. Artigos 121-130: pregos de cláusulas administrativas e de prescricións técnicas. Artigo 131: Procedemento de adxudicación.

17. Real decreto 3/2010, polo que se regula o Esquema nacional de seguridade no ámbito da Administración electrónica.

18. A protección xurídica dos programas de ordenador. Tipos de licenzas. Software libre e de código aberto (FOSS/FLOSS). Creative commons.

19. Real decreto lexislativo 1/1996, do 12 de abril, texto refundido da Lei de propiedade intelectual.

20. Lei 56/2007, do 28 de decembro, de medidas de impulso da sociedade da información.

21. Lei 59/2003, do 19 de decembro, de sinatura electrónica.

22. Lei 34/2002, do 11 de xullo, de servizos da sociedade da información e de comercio electrónico.

Bloque II: Administración electrónica, dirección das TIC e sistemas de información.

23. Sede electrónica e servizos de sede. Rexistro electrónico. Expediente electrónico. Arquivo electrónico de documentos. Dixitalización, compulsa electrónica.

24. Iniciativas de desenvolvemento da Administración electrónica: autosinatura. DNI electrónico. Estado actual.

25. Dirección e xestión de proxectos. Xestión da integración. O plan xeral do proxecto. Xestión do alcance. Xestión do custo. Orzamentos. Xestión do tempo. Técnicas de planificación. Xestión da calidade. Plan de calidade. Xestión de RRHH. Capacidades do xefe de proxecto. Xestión das comunicacións. Xestión do risco. Continxencias. Xestión da subcontratación e adquisicións.

26. A biblioteca de infraestrutura TI (ITIL). Soporte ao servizo. Entrega de servizos.

27. Modelo entidade-relación. Modelo relacional. Normalización.

28. Sistemas xestores de bases de datos. Monitores transaccionais.

29. Linguaxe de consulta estruturado (SQL). Linguaxe de definición de datos (DDL). Linguaxe de manipulación de datos (DML) e DCL.

30. Alta dispoñibilidade en SGBD relacionais.

31. Datawarehouse. Data Marts. Arquitectura. Análise multidimensional e arquitecturas OLAP. ROLAP/MOLAP/HOLAP. Minaría de datos. Xeración de informes á dirección.

Bloque III: Arquitectura dos sistemas de información e enxeñaría do software.

32. Modelo de capas: servidores de aplicacións, servidores de datos, granxas de servidores.

33. Arquitectura web en .NET

34. Arquitectura web en J2EE

35. Arquitectura SOA. Servizos web. Tecnoloxías XML

36. Enxeñaría do software. Proceso software, modelos de proceso software. Ciclos de vida. Modelos de ciclo de vida. Fases do ciclo de vida. Modelos de desenvolvemento.

37. Metodoloxías de desenvolvemento de sistemas de información. Metodoloxías áxiles.

38. Enxeñaría de requisitos. Verificación. Validación. Especificación de requisitos. Xestión de requisitos.

39. Análise orientada a obxectos. Linguaxe unificada de modelaxe (UML).

40. Métodos de proba do software. Fundamentos. Caixa negra e caixa branca. Estratexias de proba do software.

Bloque IV: Seguranza nos sistemas de información e telecomunicacións.

41. Seguranza informática: autenticación, integridade, confidencialidade, dispoñibilidade, rastrexabilidade. Análise e xestión de riscos.

42. Seguranza en contornos de rede privados. Mecanismos de protección da confidencialidade. Servizos de directorio. Xestión de identidades. Single sign-on. Tipos de conectividade. Acceso remoto. VPN.

43. Seguranza en redes WAN e internet: criptografía e autenticación. Arquitectura de seguranza en redes. Sistemas de autenticación para seguranza en redes. Elementos de seguranza para internet. Tarxetas criptográficas.

44. Técnicas de cifraxe: cifrado asimétrico e cifrado simétrico. Algoritmo RCA. Algoritmo AES. Sinatura dixital.

45. Infraestrutura de clave pública (PKI).

46. Tecnoloxías de acceso con fíos: cable e PLC. Tecnoloxías de acceso sen fíos: LMDS, WUSB, Bluetooth, WiFi, Wimax, WiBree, RFID. Redes de fibra óptica. Redes de nova xeración (NGN). Tecnoloxías de transporte: DWDM, MPLS.

47. Modelo OSI.

48. Protocolo TCP/IP: direccionamento e sistemas de nomes de dominio (DNS e DDNS). Protocolos IP, ICMP, TCP, UDP. Encamiñamento.

49. Redes de área local. Topoloxías. Redes ethernet. Redes conmutadas e redes virtuais. Xestión de redes. Sistemas de cablaxe: cablaxe estruturada. Elementos activos de rede: repetidores, concentradores, pontes, conmutadores, encamiñadores, pasarelas.

50. VoIP. ToIP. Protocolo SIP.

51. Sistemas de videoconferencia. Protocolo H.323.

Bloque V: Infraestrutura de sistemas.

52. Concepto, evolución e tendencias dos sistemas operativos. Sistemas operativos de código aberto. Servidores de aplicacións e servidores web. Funcionalidades, arquitectura, características e compoñentes. Alta dispoñibilidade e balanceo de carga.

53. O correo electrónico. Arquitectura e protocolos.

54. Deseño de centro de procesos de datos. Instalacións (electricidade, control de acceso, control de presenza, sistema antincendios, climatización, sistemas de alimentación ininterrompida).

55. Equipamento hardware. Servidores. Redundancia hardware. Alta dispoñibilidade a nivel de sistema operativo. Sistemas de clúster e balanceo de carga.

56. Arquitecturas de almacenamento: sistemas de almacenamento masivo. Sistemas NAS e SAN. Protocolos. Thin provisioning. Tiering. Virtualización de almacenamento.

57. Sistemas de backup: hardware e software de backup. Estratexias de backup. Estratexias de recuperación. Dispoñibilidade da información RPO, RTO. Replicación local e remota. Centros de protección xeográficos. Plans de continxencia.

58. Virtualización de servidores. Virtualización do posto cliente. Virtualización de aplicacións. Computación baseada en servidor (SBC). Dispoñibilidade en contornos virtualizados.

59. Cloud Computing. IaaS, PaaS, Saas. Nubes privadas, públicas e híbridas.

60. Monitorización e xestión da capacidade dos sistemas de información e os seus compoñentes. Sistemas abertos de monitorización.

61. Servizos de directorio. LDAP. X500.

62. Directorio activo de Microsoft: deseño, infraestrutura, implementación, xestión e mantemento.

ANEXO 1.3

Escala técnica superior. Subescala documentalista. Subgrupo A1

Temario xeral:

1. Lei 6/2013, do 13 de xuño, do sistema universitario de Galicia. Título I: Da ordenación do Sistema universitario de Galicia e título II: Da coordinación e a colaboración.

2. Lei 2/2015, do 29 de abril, do emprego público de Galicia. Títulos do I ao IX.

3. Lei 53/1984, do 26 de decembro, de incompatibilidades do persoal ao servizo das administracións públicas.

6. Regulamento da UE 2016/679, do 27 de abril, relativo á protección das persoas físicas no que respecta ao tratamento de datos persoais e á libre circulación destes datos. Capítulo I: Disposicións xerais. Capítulo II: Principios, capítulo III: Dereitos dos interesados, Capítulo VIII: Recursos, responsabilidade e sancións.

8. O Plan de normalización lingüística da UDC. Regulamento de usos da lingua galega na Universidade da Coruña.

9. Lei 1/2016, do 18 de xaneiro, de transparencia e bo goberno.

10. Tratado da Unión Europea, título III: Disposicións sobre as institucións.

11. Tratado de funcionamento da Unión Europea: sexta parte. Título I: Disposicións institucionais: cap. II sección 1ª: Actos xurídicos da Unión.

12. Lei 31/1995, do 8 de novembro, de prevención de riscos laborais. Artigos 2, 4, 14, 15, 29.

14. Normativa da UDC en materia de pantallas de visualización de datos.

15. Plan de actuación en caso de emerxencias:

• Proceso de evacuación dun centro.

• Emerxencia por ameaza de bomba/paquete sospeitoso.

Nota: debe entenderse que este temario se pode ver afectado polas modificacións normativas e lexislativas que puideren producirse ata a data de fin de presentación de solicitudes.

Temario específico:

Módulo I-Lexislación específica.

16. O sistema español de investigación científica e desenvolvemento tecnolóxico. Lei da ciencia, a tecnoloxía e a innovación. Plan nacional de I+D+i.

17. Real decreto lexislativo 1/1996, do 12 de abril, polo que se aproba o texto refundido da Lei de propiedade intelectual, regularizando, aclarando e harmonizando as disposicións legais vixentes sobre a materia e modificacións introducidas pola Lei 21/2014, do 4 de novembro, pola que se modifica o texto refundido da Lei de propiedade intelectual, aprobado polo Real decreto lexislativo 1/1996, do 12 de abril. Estrutura. Libro I e título VIII do libro II.

18. Lexislación de ámbito estatal en materia de patrimonio cultural: Lei 16/1985, do patrimonio histórico español. Estrutura. Título preliminar, título I e título VII.

19. Lexislación de ámbito autonómico de Galicia en materia de patrimonio cultural: Lei 5/2016, do 4 de maio, do patrimonio cultural de Galicia. Estrutura. Título preliminar, título I e título II.

20. Lei 5/2012, do 15 de xuño, de bibliotecas de Galicia. Estrutura. Título I, título II e título III.

21. A Lei 7/2014, do 26 de setembro, de arquivos e documentos de Galicia. Estrutura. Título preliminar, título I, título II e título III.

Módulo II-A Unión Europea.

22. Fundamentos históricos da construción europea. Creación das Comunidades Europeas. As principais etapas do seu desenvolvemento ata o Tratado de Maastricht.

23. A creación polo Tratado de Maastricht da Unión Europea en 1992. Elementos esenciais. A relevancia dos tratados de Amsterdam e Niza.

24. A evolución da UE na última década. O Tratado de Lisboa: principais achegas.

25. Natureza e estrutura da Unión Europea. Principios políticos fundamentais da Unión. A pertenza á Unión, o Estatuto de Estado membro. A retirada da Unión Europea.

26. O sistema institucional da Unión Europea. O Consello Europeo. O Consello de Ministros. A Comisión Europea. O Parlamento Europeo. O Banco Central Europeo. O Tribunal de Xustiza e o Tribunal Xeral.

27. Órganos consultivos e financeiros. O Comité Económico e Social. O Comité das Rexións. O Banco Europeo de Investimentos.

28. Políticas e accións da Unión Europea: distinción entre políticas comúns e outras políticas da Unión Europea.

29. Delimitación de competencias entre a Unión Europea e os Estados membros. O principio de atribución de competencias. Clasificación das competencias. Subsidiariedade, proporcionalidade.

30. A Unión económica e monetaria e o seu sistema institucional (o euro e o Banco Central Europeo). Fases e etapas.

31. A cohesión económica e social. Obxectivos. Fondo de Cohesión. Fondos estruturais. Fondo Social Europeo.

Módulo III-Os centros de documentación europea.

32. Dereitos e liberdades na UE. Recoñecemento e protección dos dereitos fundamentais na UE. A Carta de Dereitos fundamentais. O Estatuto de cidadanía.

33. As redes de información da Unión Europea no Estado español. A rede Europe Direct: centros Europe Direct e centros de documentación europea. O Team Europa.

34. Os centros de documentación europea: orixe e evolución. O papel da Comisión Europea e da estrutura de acollida.

35. Organización e funcionamento dos centros de documentación europea no ámbito universitario.

36. A cooperación en rede. O intercambio de boas prácticas como medio para mellorar os servizos. Ferramentas documentais creadas polos centros de documentación europea do Estado español: iniciativas dos distintos centros e proxectos compartidos.

37. O futuro dos centros de documentación europea retos e propostas. Informe do Pan European Working Group 2016.

38. Servizos de Información e documentación da representación da Comisión Europea no Estado español e da Oficina do Parlamento Europeo no Estado español, funcións que desempeñan. Colaboración cos centros de documentación europea.

39. A política de información da Unión Europea. Antecedentes e creación. A estratexia Wallstrom.

40. Acceso dos cidadáns aos documentos das institucións. Acceso a documentos internos ou non publicados.

Módulo IV-A documentación europea e a súa xestión.

A. Tipoloxía documental.

41. O sistema normativo da Unión Europea: distinción entre dereito primario e dereito derivado. Actos vinculantes típicos (regulamentos, directivas, decisións) e atípicos; actos non vinculantes (recomendacións e ditames).

42. Documentación da Unión Europea. Características xerais.

43. Publicacións xerais da UE: informe anual da actividade da UE, Boletín da UE. Outras publicacións (Informes anuais, etc.) A OPOCE (Oficina de Publicacións da Unión Europea).

44. O Diario Oficial da Unión Europea (DOUE). A serie L, a serie C. Misión e contidos.

B. Recuperación da información: pescudas.

45. A páxina Europa: estrutura e contido.

46. Documentos das institucións (I): documentos do Parlamento Europeo e do Consello Europeo.

47. Documentos das institucións (II): documentos da Comisión Europea, do Comité das Rexións e do Comité Económico e Social.

48. Lexislación e xurisprudencia europea. Acceso ao dereito da Unión Europea. Bases de datos da Unión Europea (EurLex, Curia).

C. Xestión da documentación e a información.

49. Xestión dos documentos. Identificación, valoración e selección. Servizo de consulta e préstamo. Transparencia.

50. Organización de programas e actividades de divulgación, cooperación con outros centros e redes de información. Formación de usuarios.

Módulo V-Biblioteconomía e documentación. Arquivística.

51. A biblioteca universitaria: concepto e función. O impacto do Espazo Europeo de Educación Superior (EEES) nas bibliotecas universitarias. As bibliotecas universitarias como centros de recursos para a aprendizaxe e a investigación (CRAI). O Espazo Europeo de Investigación (ERA).

52. As bibliotecas universitarias en Galicia. A Biblioteca Universitaria da Universidade da Coruña.

53. A cooperación bibliotecaria e as súas fórmulas: sistemas, redes e consorcios. A cooperación das bibliotecas universitarias españolas: Rebiun, Dialnet e Bugalicia.

54. A descrición semántica dos documentos: linguaxes documentais. A clasificación. Encabezamentos e tesauros.

55. Fontes de información: concepto e tipos. Bases de datos e portais temáticos. Recursos multidisciplinarios na Biblioteca da UDC. Fontes de información en humanidades (información e comunicación) e ciencias sociais (dereito). Recursos existentes na Universidade da Coruña.

56. Fontes de información europea, recursos en liña. Principais universidades europeas e españolas e os seus recursos a prol da transparencia nos estudos superiores da UE.

57. Concepto e función de arquivo. Clases de arquivos. O arquivo histórico da Unión Europea.

58. O arquivo da Universidade da Coruña. Regulamento do Centro de Documentación e Arquivo.

59. Mercadotecnia 2.0 en bibliotecas e centros de documentación.

60. A estratexia de comunicación da Unión Europea nas RRSS. Tipoloxía. Recomendacións para os centros de documentación europea.

ANEXO 1.4

Escala técnica superior. Técnico prevención de riscos laborais. Subgrupo A1