O Decreto 52/2018, do 5 de abril, polo que se crea a Axencia Galega da Calidade Alimentaria e se aproban os seus estatutos (DOG núm. 102, do 30 de maio) entrou en vigor o 30 de maio de 2018.

A disposición adicional primeira do citado decreto establece que a constitución da Axencia Galega da Calidade Alimentaria se producirá coa celebración da sesión constitutiva do Consello Reitor, que terá lugar dentro do prazo de tres meses desde a súa entrada en vigor.

A nova axencia subrógase en todas as relacións xurídicas, os bens, dereitos e obrigas do Instituto Galego da Calidade Alimentaria, asumindo as súas competencias e funcións legalmente atribuídas.

Na súa virtude e logo de convocatoria pola conselleira do Medio Rural, o Consello Reitor da Axencia Galega da Calidade Alimentaria celebrou a súa sesión constitutiva o día 29 de agosto de 2018, polo que esta consellería

RESOLVE:

Dar publicidade ao acordo do Consello Reitor da Axencia Galega da Calidade Alimentaria, adoptado o día 29 de agosto de 2018, polo que se declara formalmente constituído o Consello Reitor da Axencia Galega da Calidade Alimentaria.

Santiago de Compostela, 30 de agosto de 2018

Ángeles Vázquez Mejuto
Conselleira do Medio Rural