As bases do procedemento de reavaliación de determinadas xefaturas de persoal sanitario diplomado ou técnico do Servizo Galego de Saúde establécense na Orde do 26 de novembro de 2012 (DOG núm. 234, do 10 de decembro), segundo o establecido na sección segunda do capítulo VI do Decreto 206/2005, do 22 de xullo, de provisión de prazas de persoal estatutario do Servizo Galego de Saúde (DOG núm. 145, do 29 de xullo).

O posto de supervisión xerl do Complexo Hospitalario Universitario de Pontevedra foi convocado mediante a Resolución da Xerencia do 31 de maio de 2007 (DOG núm. 135, do 12 de xullo), ao abeiro do sistema de avaliación colexiada establecida polo Decreto 206/2005, e foi nomeado José Luis Fontán Rivas por un período inicial de catro anos de duración (DOG núm. 9, do 14 de xaneiro de 2008).

Mediante a Resolución do 24 de abril de 2018, da Xerencia de Xestión Integrada de Pontevedra e O Salnés, convocouse o procedemento de reavaliación do posto de supervisión xeral do Complexo Hospitalario Universitario de Pontevedra.

Unha vez realizado o acto público de defensa da actividade realizada e do proxecto técnico que se vai desenvolver nos próximos catro anos, a Comisión acordou, por unanimidade, elevar a esta xerencia proposta favorable á continuidade no desempeño do posto de supervisión xeral do Complexo Hospitalario Universitario de Pontevedra de José Luis Fontán Rivas.

En virtude das competencias atribuídas polo Decreto 43/2013, do 21 de febreiro, polo que se establece a estrutura orgánica do Servizo Galego de Saúde (DOG núm. 47, do 7 de marzo), e a Orde de 5 de xullo de 2012 pola que se desenvolve a estrutura organizativa de Xestión Integrada de Pontevedra e O Salnés e sobre delegación de competencias en órganos centrais e periféricos do Servizo Galego de Saúde (DOG núm. 139, do 20 de xullo), esta xerencia

RESOLVE:

Prorrogar o nomeamento de José Luis Fontán Rivas como supervisor xeral do Complexo Hospitalario Universitario de Pontevedra por un período de catro anos de duración, a cuxo termo se realizará un novo procedemento de reavaliación de conformidade e cos efectos previstos na Orde do 26 de novembro de 2012.

Contra esta resolución poderase interpoñer recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 30 de agosto de 2018

José Ramón Gómez Fernández
Xerente de Xestión Integrada de Pontevedra e O Salnés