En virtude do establecido no artigo 15 da Lei 1/2016, do 18 de xaneiro, de transparencia e bo goberno,
DISPOÑO:
Artigo único
Dar publicidade á relación dos convenios subscritos pola Consellería de Facenda nos meses de maio, xuño, xullo e agosto do ano 2018, que se incorpora como anexo a esta resolución.
Santiago de Compostela, 17 de setembro de 2018
María del Socorro Martín Hierro
Secretaria xeral técnica e do Patrimonio
ANEXO
Convenios de colaboración subscritos pola Consellería de Facenda nos meses de maio, xuño, xullo e agosto do ano 2018
Convenio |
Importe (€) |
Data da sinatura |
Convenio de colaboración entre a Axencia Tributaria de Galicia (Atriga) e o Parlamento de Galicia para a cesión de información de carácter tributario, así como dos demais ingresos de dereito público para a concesión de axudas e subvencións e a contratación coa Administración. |
Sen achega económica |
13.6.2018 |
Protocolo de adhesión do Concello de Arteixo ao Convenio de colaboración asinado o 8 de abril de 2015 entre a Axencia Tributaria de Galicia e a Federación Galega de Municipios e Provincias para a cesión de información de carácter tributario, así como dos demais ingresos de dereito público para a concesión de axudas e subvencións e a contratación coa Administración. |
Sen achega económica |
21.6.2018 |
Convenio de colaboración entre a Xunta de Galicia, por medio da Consellería de Facenda, e o Concello de Santiago de Compostela para sufragar os gastos derivados da súa condición de capital da Comunidade Autónoma de Galicia. |
2.325.000 |
2.7.2018 |
Convenio de colaboración entre a Consellería de Facenda e o Consello de Contas de Galicia sobre atribución de competencia de recursos contractuais. |
Sen achega económica |
30.7.2018 |
Convenio de colaboración entre a Axencia Tributaria de Galicia e o Concello de Coles en materia de recadación en vía executiva. |
Sen achega económica |
8.8.2018 |