En virtude do establecido nos artigos 4.13 e 34.2 da Lei 1/1983, do 22 de febreiro, de normas reguladoras da Xunta e da súa Presidencia, e 28 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, e unha vez presentada o pasado 26 de setembro renuncia expresa da titular do posto de directora xeral de Maiores e Persoas con Discapacidade con motivo de pasar a desempeñar o cargo de conselleira de Política Social, por proposta do vicepresidente e conselleiro de Presidencia, Administracións Públicas e Xustiza, e logo de deliberación do Consello da Xunta de Galicia, na súa reunión do día vinte e sete de setembro de dous mil dezaoito,
DISPOÑO:
Que cese, por paso a outro destino, Fabiola García Martínez como directora xeral de Maiores e Persoas con Discapacidade, agradecéndolle os servizos prestados.
O cesamento terá efectos do día 26 de setembro de dous mil dezaoito.
Santiago de Compostela, vinte e sete de setembro de dous mil dezaoito
Alberto Núñez Feijóo
Presidente
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza