Para os efectos previstos no artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), acórdase darlles publicidade aos convenios de colaboración subscritos pola Axencia Galega da Industria Forestal (Xera) no segundo cuadrimestre do ano 2018 e que se relacionan no anexo a esta resolución.
Santiago de Compostela, 27 de setembro de 2018
José Ignacio Lema Piñeiro
Director da Axencia Galega da Industria Forestal
ANEXO
Nº 1.
Título: convenio de colaboración entre a Consellería do Medio Rural, a Axencia Galega da Industria Forestal e a Fundación Semana Verde de Galicia para a organización da V edición da feira bienal Galiforest.
Obxecto: regular as condicións de colaboración para a organización neste ano dunha nova edición da feira bienal de carácter monográfico forestal internacional para o sur de Europa.
Data da sinatura: 27 de xuño de 2018.
Importe: 108.700 €.
Nº 2.
Título: acordo marco de colaboración entre a Axencia Galega da Industria Forestal (Xera)-Centro de Innovación e Servizos Tecnolóxicos da Madeira de Galicia (CIS Madeira) e a Fundación Catedral de Santiago para a realización de actuacións de recuperación e conservación do patrimonio en madeira da Catedral de Santiago de Compostela.
Obxecto: establecer un marco de colaboración entre a Fundación Catedral e Xera-CIS Madeira, relacionado coas actuacións de recuperación e conservación das estruturas da Catedral de Santiago de Compostela, mediante a utilización de técnicas tanto tradicionais como innovadoras.
Data da sinatura: 3 de agosto de 2018.
Importe: sen achega económica.