Advertidos erros na citada orde, publicada no Diario Oficial de Galicia núm. 200, do venres 19 de outubro de 2018, cómpre facer as seguintes correccións:

Na páxina 46398, na táboa de Servizos de prevención das situacións de dependencia e promoción da autonomía persoal, incluída no artigo 6, na fila referida ao servizo 010103 Atención temperá (0-6 anos), na columna de Importe máximo subvencionable, debe dicir: «1.469 €».

Na páxina 46399, na táboa de Servizos de prevención das situacións de dependencia e promoción da autonomía persoal, incluída no artigo 6, na fila referida ao servizo 010108 Área de habilitación psicosocial, na columna de Importe máximo subvencionable, onde di: «1.221 €», debe aparecer en branco.

Nas páxinas 46415, 46416, 46417 e 46418, nas cales se establece o anexo I, relativo á solicitude e que se vincula ao procedemento BS613B, débese substituír polo seguinte anexo I.

Na páxina 46419, na cal se establece o anexo II, relativo á Comprobación de datos de terceiras persoas interesadas, débese substituír polo seguinte anexo II.

Na páxina 46420, na cal se establece o anexo III, relativo á Declaración xustificativa da execución do servizo de promoción da autonomía personal e cumprimento das obrigas en materia de comunicación relativas ao PO do FSE Galicia 2014-2020, débese substituír polo seguinte anexo III.

Na páxina 46421, na cal se establece o anexo IV, relativo á Declaración da entidade ou profesional prestador/a do servizo, débese substituír polo seguinte anexo IV.

Nas páxinas 46422 e 46423, nas cal se establece o anexo V, relativo aos Indicadores de produtividade, débese substituír polo seguinte anexo V.

Esta corrección non afecta o prazo de presentación de solicitudes.