A Alcaldía deste Concello, con data do 16 de xullo de 2018, ditou decreto polo que se acorda o inicio, polo procedemento de taxación conxunta, e se somete a información pública o expediente expropiatorio dos bens e dereitos que se precisa ocupar para a execución do proxecto de mellora de saneamento e pavimentación en Lameira, parroquia de Pontellas, concello do Porriño, que na súa parte dispositiva establece o seguinte:

Primeiro. Iniciar a tramitación do procedemento de expropiación por taxación conxunta para a execución do proxecto de mellora de saneamento e pavimentación en Lameira, parroquia de Pontellas, O Porriño.

Segundo. Someter o proxecto a exposición pública durante o prazo dun mes, mediante anuncios no Diario Oficial de Galicia e nun xornal dos de maior tiraxe da provincia, para que os que poidan resultar interesados formulen as observacións e reclamacións que consideren convenientes, en particular no que concirne á titularidade ou valoración dos seus respectivos bens ou dereitos.

Para os efectos do recoñecemento da titularidade dos bens e dereitos afectados e do pagamento no seu momento do prezo xusto aprobado aos propietarios e titulares de dereitos, deberán achegar os documentos ou títulos xustificativos completados coa súa certificación rexistral ou, de ser o caso, certificación negativa referida ao mesmo predio descrito nos títulos.

Notificar ao Ministerio Fiscal e á Delegación Provincial do Ministerio de Economía e Facenda e publicar os edictos, para os efectos do previsto no artigo 45 da Lei 39/2015, do 1 de outubro, do procedemento administrativo común das administracións públicas.

Terceiro. Notificar individualmente as taxacións aos que aparezan como titulares de bens e dereitos no expediente, mediante traslado literal da correspondente folla de valoración e da proposta de fixación dos criterios de valoración, para que poidan formular alegacións no prazo dun mes, contado a partir da data da notificación. Para estes efectos, o proxecto estará exposto nas dependencias do Departamento de Urbanismo do Concello do Porriño. Durante ese prazo, todas aquelas persoas ou entidades que se consideren afectadas poderán presentar as alegacións que consideren oportunas nas dependencias deste Concello do Porriño, así como nos lugares establecidos no artigo 16 da Lei 39/2015, do 1 de outubro, do procedemento administrativo común das administracións públicas.

A relación dos propietarios, predios e superficies é a que figura no anexo que se achega.

O Porriño, 26 de outubro de 2018

Eva García de la Torre
Alcaldesa

ANEXO

Nº de orde	Datos de catastro			Propietario	Superficies en m2
Polígono	Parcela	Ref. catastral	Ocupación temporal	Servidume de acueduto
1	18	473	36039A018004730000DL	Maceira Maceira, Josefa	25	20
2	18	474	36039A018004740000DT	Maceira Pereira, José	30	22
3	18	475	36039A018004750000DF	Rodríguez Barreiro, Dolores (hrdos.)	80	61