De acordo coa base cuarta da Resolución reitoral do 13 de setembro de 2018 (DOG núm. 180, do 20 de setembro) mediante a que se convocou un proceso selectivo para o ingreso na escala administrativa, subgrupo C1, pola quenda de promoción interna, esta reitoría, en uso das competencias atribuídas pola Lei orgánica 6/2001, do 21 de decembro, de universidades, e polos estatutos da Universidade de Vigo,
RESOLVE:
Primeiro. Unha vez rematado o prazo de presentación de solicitudes, declarar aprobada a relación provisional de persoas admitidas e excluídas no dito proceso de selección. A lista provisional de aspirantes admitidas/os, anexo I, poderase consultar no taboleiro de anuncios do Rexistro Xeral da Universidade de Vigo (Edificio da Xerencia. Campus de Vigo) e na seguinte páxina electrónica: https://www.uvigo.gal/universidade/administracion-persoal/pas/traballar-uvigo.
Segundo. Publicar a relación provisional de aspirantes excluídos/as, con indicación da causa de exclusión, que figura como anexo II. En todo caso, coa finalidade de evitar erros e, no suposto de producirse, posibilitar a súa rectificación, as persoas aspirantes comprobarán non só que non figuran na relación de excluídos/as, senón tamén que os seus nomes constan na relación de admitidos/as.
Terceiro. Consonte a base cuarta da convocatoria, as persoas aspirantes excluídas ou que non figuren na relación de admitidas disporán dun prazo de dez (10) días hábiles, contados a partir do seguinte ao da publicación desta resolución no DOG, para poderen emendar o defecto que motivou a exclusión ou a omisión. Quen, dentro do prazo sinalado, non emende a exclusión ou alegue a omisión, xustificando o dereito a ser incluído/a na relación de persoas admitidas, será definitivamente excluído/a do proceso selectivo.
Vigo, 24 de outubro de 2018
Manuel Joaquín Reigosa Roger
Reitor da Universidade de Vigo
ANEXO II
Relación provisional de persoas excluídas
NIF |
Nome completo |
Causa de exclusión |
36110966T |
Pérez Juste, Germán |
Non ter prestado servizos efectivos como persoal funcionario durante, polo menos, dous anos no subgrupo C2 |