A Consellería de Política Social convocou no ano 2018, a través da Orde do 27 de xullo de 2018 (DOG núm. 151, do 8 de agosto) as bases do procedemento de concesión de axudas para o investimento na mellora das infraestruturas e do equipamento dos centros de protección de menores dependentes de entidades de iniciativa social e a convocatoria para o ano 2018.
De conformidade co artigo 13 da antedita orde, a resolución dos expedientes de axudas corresponde, por delegación, á directora xeral de Familia, Infancia e Dinamización Demográfica da Consellería de Política Social, que deberá resolver no prazo de quince días desde a data de elevación da proposta.
Así mesmo, o referido artigo indica que se publicará no Diario Oficial de Galicia, de conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas, entre outras, as correspondentes resolucións. Esta publicación producirá os efectos de notificación. Complementariamente, procedeuse a efectuar a notificación por medios electrónicos, de conformidade co disposto no referido artigo 13 da orde.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 25 de outubro de 2018, ditada no procedemento BS413A de concesión de axudas para o investimento na mellora das infraestruturas e do equipamento dos centros de protección de menores dependentes de entidades de iniciativa social, cofinanciada polo Fondo Europeo de Desenvolvemento Rexional no marco do programa operativo Feder Galicia (2014-2020), que se xunta á presente resolución no anexo.
Segundo. Comunicar que a Resolución do 25 de outubro de 2018, que finaliza o procedemento, esgota a vía administrativa e contra ela poderá interpoñer o recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte da súa publicación no Diario Oficial de Galicia. Potestativamente, e con anterioridade á interposición do referido recurso contencioso-administrativo, poderá interpoñer recurso de reposición ante o órgano que ditou o acto no prazo dun mes contado a partir do día seguinte da súa publicación no Diario Oficial de Galicia. Neste caso non poderá interpoñerse recurso contencioso-administrativo ata que sexa resolto, expresamente ou por desestimación presunta, o recurso de reposición.
Terceiro. Notificada a resolución polo órgano competente, as entidades propostas como beneficiarias dispoñerán dun prazo de 10 días para a súa aceptación, transcorrido o cal sen que se producise manifestación expresa se entenderá tacitamente aceptada.
Santiago de Compostela, 31 de outubro de 2018
Amparo González Méndez
Directora xeral de Familia, Infancia e Dinamización Demográfica
ANEXO I
Resolución do 25 de outubro de 2018 ditada no procedemento BS413A de concesión de axudas para o investimento na mellora das infraestruturas e do equipamento dos centros de protección de menores dependentes de entidades de iniciativa social, cofinanciada polo Fondo Europeo de Desenvolvemento Rexional no marco do programa operativo Feder Galicia (2014-2020).
Vista a proposta da Subdirectora Xeral de Política Familiar, Infancia e Adolescencia de conformidade co disposto na Orde do 27 de xullo de 2018, pola que se regulan as bases que rexerán o procedemento de concesión de axudas para o investimento na mellora das infraestruturas e do equipamento dos centros de protección de menores dependentes de entidades de iniciativa social e se convocan para o ano 2018, cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020; tendo en conta que nos orzamentos da Comunidade Autónoma de Galicia para o ano 2018 existe partida orzamentaria suficiente con cargo á aplicación orzamentaria 12.02.313C.781.0, en virtude das competencias delegadas pola Consellería de Política Social (artigo 13 da devandita orde),
RESOLVO:
Primeiro. Conceder ás entidades relacionadas na proposta de concesión (anexo II), ao abeiro da indicada orde, as axudas individualizadas reflectidas na devandita relación e con cargo a aplicación orzamentaria 12.02.313C.781.0.
Segundo. Denegar á entidade relacionada na proposta de denegación (anexo III), ao abeiro da indicada orde, as axudas solicitadas polas causas que se indican no devandito anexo.
Santiago de Compostela, 25 de outubro de 2018. A conselleira de Política Social. Por Delegación Orde do 27 de xullo de 2018. DOG núm. 151, do 8.8.2018. A Directora xeral de Familia, Infancia e Dinamización Demográfica. Amparo González Méndez.